Oblystyq densaýlyq saqtaý basqarmasy baspasóz qyzmetiniń habarlaýynsha, oqqa ushqan azamat qaıtys boldy.
«Naýqas oblystyq medısına ortalyǵyna aýyr jaǵdaıda jetkizildi. Dereý qabyldaý bóliminen jan saqtaý bólimine jatqyzyldy. Sol mezette «ish qýysyna tereń oq tıgen, ishki aǵzalary zaqymdalýy. 4 dərejeli gemorragııalyq shok» degen dıagnoz qoıyldy. Naýqasqa shuǵyl ota jasaldy. Alaıda, kórsetilgen reanımasııalyq sharalarǵa qaramastan jaraqattanǵan azamat 27 naýryzdyń keshinde kóz jumdy»,- dep habarlady oblystyq densaýlyq saqtaý basqarmasynyń baspasóz qyzmeti.
Esterińizge salaıyq, Qyzylordada jergilikti ýaqytpen saǵat 14.50 shamasynda Áıteke bı kóshesinde jastar arasynda tóbeles oryn aldy. Nátıjesinde 1 adam dene jaraqatymen oblystyq medısınalyq ortalyqqa jetkizildi. Bul týraly búgin О́ńirlik kommýnıkasııalar qyzmetinde ótken brıfıngte OIID bastyǵynyń orynbasary Nurlan Anarbaev málimdedi.
«QIIB kezekshi bólimine Áıteke bı jáne Jeltoqsan kósheleriniń qıylysynda buzaqylyq oryn alǵany týraly habarlama túsken. Oqıǵa ornyna jedel-tergeý toby jetip, 7-8 adamnan quralǵan toptyń buzaqy áreketi anyqtaldy. Nátıjesinde qala turǵyny dene jaraqatymen oblystyq medısınalyq ortalyqqa (OMO) jetkizildi. Atalǵan derek boıynsha QR QK 259 baby, 3 bóligi, «buzaqylyq» faktisi boıynsha qylmystyq is qozǵaldy. Qazirgi tańda, kúdiktiler, buzaqylyq árekettiń músheleri QIIB jetkizildi, tergeý amaldary júrgizilýde. Tergeý múddesine baılanystyolar týraly málimetter jarııa etilmeıdi», - dedi brıfıng barysynda OIID bastyǵynyń orynbasary N. Anarbaev.