Semeı qalasy ákiminiń sheshimimen tańerteńnen beri muzdy jarý jumystary júrýde. Turǵyndar bul týraly tolyq aqparattandyryldy. Túıemoınaq aralynyń turǵyndary bolsa, olar turyp jatqan jerdegi sý deńgeıi 304 baǵanasyna túskendikten úılerine qýana qaıtyp jatyr eken. Sóıtip «Týrıst» qonaqúıinen Túıemoınaqtaǵy úılerine 34 adam qaıta oralǵan. Olarmen ShQO TJ Departamentiniń psıhology jumys jasaǵan. Ertistegi eki jarylystan soń muz tómen syrǵyp, onyń ústine búgin jańbyr tolassyz quıyp, tómengi shaǵyn aýdandardy sý basyp ketti. Azamattyq qorǵanys salasy, qala ákimdigi mamandarynyń málimetinshe, tańerteńnen beri 600 jáne 900 kılogramdyq jarylǵysh zattar qoldanylǵan.
Esterińizge sala ketsek, Ertis basseındik ınspeksııasynyń basshysy Qazymbek Baımaǵambetov 28-inshi naýryz kúni oblys ákimi Danıal Ahmetovtyń qatysýymen ótken jınalysta Shúlbi SES-inen asqan sý daǵdarystyq deńgeıde jiberilgenin tikeleı rastaǵan edi. Oǵan deıin bul faktini qala ákimi Ermak Sálimov anyqtap, oblys nazaryna usyndy. Qala basshysynyń anyqtaǵan derekteri durys bolyp shyqty. Oblys ákiminiń baspasóz qyzmetiniń deregine súıensek, О́skemende ótken jıynda Ertis basseındik ınspeksııasynyń basshysy Qazymbek Baımaǵambetovtyń aıtqanyndaı, Shúlbi SES-indegi jaýapsyzdyq ózderiniń kinásinen bolyp otyr. Naýryzdyń 1-i kúninen bastap, kólemi ulǵaıǵan sý naýryzdyń 23-26-sy kúnderi tolassyz jaýǵan jańbyr esebinen ulǵaıyp, jan--jaqtan keletin aǵystar kóbeıgen. Sóıtip Shúlbi SES-inde sýdyń joǵary jaǵyndaǵy kórsetkishi 239 74-ke jetipti.
-Shamadan tys úsh ese artyq kólemde sý jiberý týraly sheshimdi jergilikti atqarýshy organmen kelisýdi jón kórmegen atalmysh ınspeksııanyń jumysy nashar,- dep baǵalady oblys ákimi Danıal Ahmetov. Sonyń saldarynan myńdaǵan adamnyń ómirine qaýip tóngen.
Osyndaı jaýapsyzdyq pen nemquraıdylyq kesirinen ádette daǵdarys deńgeıi 450 sm quraıtyn Semeıdegi Ertis ózeniniń sýy túnde eń joǵary - 525 santımetrge jetipti. Búginde sý basý faktisi boıynsha tótenshe jaǵdaı jarııalanǵan óńirde prokýratýra tekserý jumystaryn júrgizýde.
ShQO TJ Departamentiniń basshysy Nurlan Madıarov Ertistegi muzdardyń jaǵdaıyn kórý úshin tikushaqpen birneshe ret tekserý jumystaryn áýeden baqylap, júrgizýde.
-Bizdiń redaksııaǵa Lodochnaıa aýdanyndaǵy Portovaıa kóshesiniń turǵyndary habarlasty,-dedi qalalyq «Spektr» gazetiniń bas redaktory Dinmuhamed Beısembaev,-baryp qarasaq, búkil kóshe sý astynda qalypty. Tipti TJ basqarmasynan da adamdar áli kelmegen eken. Olar ne isterlerin bilmeı otyr. Biz fotosýretke túsirip keldik.
Raýshan Nuǵmanbekova
Cýretter Dinmuhamed Beısembaevtyki.
Semeı