Mysyrlyq fýtbol jankúıeri Mohamed Nýfal Reseıde ótetin álem chempıonatyn tamashalaýǵa velosıpedpen barýdy jón sanapty.
24 jastaǵy jankúıer el astanasy Kaırde otbasy jáne dos-jarandarymen qoshtasyp, jolǵa shyqty. Ol bes myń shaqyrym joldy 65 kúnde júrip ótýdi josparlap otyr. Nýfal saparyn Iordanııadan bastap, Bolgarııa, Rýmynııa, Moldavııa jáne Ýkraına arqyly jalǵamaq. Mohamed Nýfal jolǵa ózimen birge velosıpedtiń qosymsha qurylǵylaryn, qýattaǵysh, qosymsha uıaly telefon jáne kempıng jabdyqtaryn alǵan. Sonymen qatar ol keıbir eldiń jataqhanasynda túnep, beıtanys adamdardyń úıinde qonýdy josparlap otyr. «Maǵan eń bastysy – saıahat mańyzdy bolyp tur. Eger álem chempıonatyn tamashalaǵym kelse ushaqpen-aq barýǵa bolatyn edi», deıdi Nafal.
Segiz sportshy qashyp ketkenAýstralııada ótip jatqan Dúnıejúzilik Dostastyq oıyndarynda Kamerýn quramasyndaǵy 24 sportshynyń segizi iz-túzsiz ketken. Bálkim, olar óz eline qaıta oralmas úshin qashyp ketýi de múmkin dep boljanýda.
The Guardian basylymynyń aqparatyna sensek, úsh atlet 8 sáýir kúni qashyp ketken, kelesi kúni olardyń sońynan ekeýi ilesse, 10 sáýir kúni quramada taǵy úsh sportshynyń joq ekendigi anyqtalǵan. Quramanyń baspasóz hatshysy Saımon Molombeniń aıtýynsha, qashqyndardyń vızasynyń jaramdylyq ýaqyty 15 mamyrda bitedi. Sondyqtan atletterdiń qaıtyp oralýynan áli de úmitti.
«Sportshylar tún ishinde ketip qalǵan bolýy múmkin. Sebebi tańerteń olardy bólmesinen taba almadyq. Sportshylardyń bul áreketi Kamerýndy qolaısyz jaǵdaıǵa qaldyryp otyr», dedi ol. Qashqyndardyń tiziminde úsh aýyr atlet pen bes boksshy bar. Aıta keteıik, 2012 jyly Londonda ótken Olımpııa oıyndarynda da bes kamerýndyq sportshy qashyp ketken bolatyn.
Daıyndaǵan Álı BITО́RE, «Egemen Qazaqstan»