WBA/WBC/IBF/IBO tujyrymdary boıynsha orta salmaqtaǵy álem chempıony Gennadıı Golovkınniń aıtýynsha, onyń sońǵy ýaqytta rıngke sırek shyǵyp jatqany kóńiline qaıaý túsirgen, dep jazady Sports.kz.
5 mamyrǵa josparlanǵan GGG-diń meksıkalyq Saýl Alvarespen rematchy «Kanelonyń» dopıng-testten ótpeı qalǵany úshin toqtatyldy, sondyqtan qazir Gennadııdiń komandasy belsendi túrde osy kúni aıqasatyn qarsylas izdep jatyr.
«Árıne, men burynǵysha jylyna 3-4 aıqas ótkizgim keledi. Qazirgi jaǵdaı maǵan qıyn soǵyp jatyr. Men boksqa degen qyzyǵýshylyǵymdy joǵalta bastadym. Biz 5 mamyrdaǵy jekpe-jekti joǵaltyp aldyq. Endi menimen birge eshkim judyryqtasqysy kelmeıdi. Men ózimdi jaqsy sezinip júrmin jáne burynǵysha belsendimin. Men sporttyń bul túrin jaqsy kóremin. Kelesi jekpe-jek dál osylaı mańyzdy bola qoımas, biraq bul - jekpe-jek. Men aıqasqandy unatamyn», - dedi Gennadıı baspasóz málıhatynda.