Álem aldynda júzimiz jarqyn

Prezıdent te – Adam! Bizdegi et-júrek Prezıdentte de bar! Sondyqtan ol da tolqıdy, ol da tolǵanady! Alaıda, bizdiń júrek tol­qýy­myz ben tolǵanystarymyzdyń ara-jigin ajyrata sóıler bolsaq, Elbasynyń júrek tolqýlary men tolǵanystary tutasa bitken qa­lyń eliniń tutasa bitken talaıly bir talaýly taǵdyry bolatyn! Zamana men dáýirdiń qıly da alasapyrandy tar jol, taıǵaq ke­shý­leriniń aýmaly da tókpeli ke­zeńderinen týǵan elin aman alyp ótý ǵana tolǵandyryp keldi, áli de sol jaı tolǵandyrady Elbasyn! Qaı bir qatal da qaharly tajal ǵasyrlardyń taýqymeti men qasiretin de, zardaby men zalal-zaýalyn da kóp tartqan týǵan hal­qyn jıyrma birinshi ǵasyrdyń, myna biz ómir súrip otyrǵan jańa dáýirdiń jaqsylyqtaryna ilestirip jibersem degen arman-múd­demen tolqyp, tolǵanǵan edi Elbasy! Biz osydan jıyrma jyl bu­ryn táýelsiz el bolǵanymyzdy aı­daı álemge batyl jarııa­la­ǵan­nan keıin, sol aıdaı álemge batyl ún qatyp, batyl qadamdar ja­sa­ýymyz da kerek edi. Sony jasaı da bildik! Jáne de sony jasaı bilgen de bir ǵana adam bolatyn. Ol – Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev! Sol batyl únimen, sol batyl qadamymen jer-jahannyń órek­pigen saıasatkerlerin de, órkenıeti bar memleketterin de qazaq eline de, ózine de qarata bildi Elbasy! Bizdiń Elbasy dúnıedegi bar­lyq memleketterdiń basshyla­ry­men de, saıasatshylarymen de teń sóılesip, til tabysyp, Qazaq­stan­nyń múddesin bárinen de joǵary qoıyp, elimizdi asa qysqa kezeńde álemge tanyta bildi! Qazaq eliniń jáne onyń Kósh­basshysy Nursultan Ábishuly Na­­zarbaevtyń álem aldyndaǵy aby­roıynyń joǵary, bedeliniń as­qaq, júziniń jarqyn, sóziniń ótimdi, oıynyń utymdy, pikiriniń paıymdy, aıtqany keletin de tu­ratyn qasıetin álem túgel tanyp, bir ǵana qazaq memleketiniń al­dyn­daǵy emes, Adamzat órkenıeti aldyndaǵy uly erligin tanyp ta, bilip te otyr dese de bolǵandaı! Biz búgin Elbasy týraly Kons­tıtýsııalyq zańǵa ózgerister engize otyryp, Qazaqstan Respýb­lı­ka­synyń Tuńǵysh Prezıdenti, Ult kóshbasshysy Nursultan Áb­ish­­uly Nazarbaevqa «Halyq Qa­har­many» ataǵyn berý jóninde sheshim qabyldaý arqyly barlyq qa­zaqstandyqtardyń erik-jigerin de jáne qalyń eldiń tilegin de or­yndap otyrmyz. Sóıtip, dúnıe júzi aldyndaǵy júzimiz de jar­qyraı túskendeı. Bizdiń bul sheshimimiz tarıhı sheshim! Jabal ERǴALIEV, Parlament Senatynyń depýtaty.