Oblys ortalyǵyndaǵy Dostyq úıinde Qazaqstan halqy Assambleıasy «Belarýs» etno-mádenı ortalyǵy jurtshylyqty «Kóktemdi shaqyrý» merekesine shaqyrdy.
Birlestik jetekshisi Lıýbov Bognattyń aıtýynsha, «Gýkanne vıasny» degen belorýs halqynyń merekesi. Naýryz sekildi jańarý, tabıǵattyń jańǵyrýy. Gýkanıe ıaǵnı, qustar gý-gýlep kelip, kóktemdi óz qanattarymen ákeledi degen senim bar. Mereke 14 naýryzdan bastalyp, kóktem aılary boıy toılanady. Belarýstardyń nanymy boıynsha, kóktem Lada sulýlyq jebeýshisi beınesinde keledi. Lada kelse, kún jyly bolady, kúzde egin mol, adamnyń ómiri de jaınap gúldenedi. Gýkanıe- kóktemdi shaqyrý kerek, qaǵazdan qustardy daıyndap, aldymen kóktemdi shaqyrady. Etno mádenı ortalyq úshin basty maqsat-jastar, kishkentaılar óz halqynyń salt-dástúrlerin bilýi qajet.
Merekege kelgenderge qustardyń túrinde «javorankı» dep atalatyn toqashtar taratyldy. Jınalǵandardy jergilikti Assambleıa tóraǵasynyń orynbasary Seısenbaı Jetpisbaev quttyqtady. Qonaqtar tilekterin aıtyp, aǵashqa qaǵazdan jasalǵan qustardy ildi. Merekede belarýs ortalyǵynyń «Karamel», «Krynısy», «Jaýranachek», «Praleskı», «Svıtanak», «Nadzeıa» jastar men balalar ansamblderi jáne «Dabranach» vokaldy-aspaptyq ansambliniń oryndaýynda ánder shyrqaldy, bıler bılendi. Án sózderiniń sońy «Gý, gý» dep gýkanıe shaqyrýymen jalǵasady.
Birlestikte alqa keńesi, ártúrli bólimder, belarýs ardagerler keńesi, jastar qanaty «Krynısy» jastar vokaldy ujymy, «Jaýranachak» bı ujymy, «Padarýnkı» teatraldy stýdııasy, qasyqtar ansambili, «Istokı» jastar klýby, «Belarýsachka” áıelder klýby jumys isteıdi. Ortalyq halyqtyq salt-dástúrlerdi jańǵyrtýda, dástúrlik merekeler ótkizedi.
Farıda Byqaı
«Egemen Qazaqstan»
Pavlodar oblysy
Sýretti túsirgen: Maqsat Aıtbaı