Pisip-jetilgen parasatty qadam

Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev – eldiń birligin, azamattardyń konstıtý­sııa­lyq quqyqtary men bostandyq­ta­ryn qamtamasyz etken asa jaýa­p­ty tulǵa. Jańa Táýelsiz memle­ket­tiń negizin qalaýshy retinde Prezıdentti álem moıyndady, álemdik saıası arenada Elbasynyń qaırat­kerligi moıyndaldy. Ol Qazaqstan halqy tarapynan zor senimge ıe. Memleket basshysynyń kemel saraptaýymen júrgizilgen syrtqy jáne ishki saıasaty nátıjesinde Qa­zaq eli aıtarlyqtaı ekonomı­kalyq ósýge, halyqtyń ál-aý­qa­tyn arttyrýǵa qol jetkizdi. Búkil álemdik qoǵamdastyqta bıik bedelge ıe boldy. Biz, Parlament Senatynyń de­pýtattary Qazaqstan Respýblıka­synyń 2000 jylǵy 30 shildedegi «Qazaqstan Respýblıkasynyń Tuń­ǵysh Prezıdenti – Elbasy tý­raly» Konstıtýsııalyq zańnyń I-bap, 3-tarmaqshasyna: «Qazaq­stan Respýblıkasynyń Tuńǵysh Pre­zıdenti – Elbasy laýazymy men mártebesi boıynsha aıryq­sha erekshelik belgisi «Altyn Jul­dyz» jáne «Otan» ordeni tapsy­ry­latyn «Halyq Qaharma­ny» ata­­ǵynyń ıegeri bolyp ta­byla­dy» dep ózgeris engizdik. Sondaı-aq, «Qazaqstan Res­pýb­lıkasynyń memlekettik nag­ra­dalary týraly» Zańǵa tolyq­tyrý engizdik. Memleket basshy­synyń dana jáne syndarly saıa­satynyń arqasynda Qazaq eli álemdik qoǵamdastyqta joǵarǵy bedelge ıe boldy. Oǵan ótken jyl­ǵy Qazaqstannyń EQYU-ǵa tór­aǵalyq etkeni jarqyn dálel. Qazaqstan múddesin eń aldyńǵy orynǵa shyǵara bilgen Nursultan Nazarbaev elimizdi asa qysqa merzimde ári buralańy kóp qıyn kezeńde kúlli álemge tanyta bildi, tótelep kelgen talaı qı­yn­shylyqtan alyp shyqty. Qazaq eli men onyń Kóshbas­shysy Nursultan Nazarbaevtyń álem aldyndaǵy abyroıynyń bıiktigi, bedeliniń asqaq, sóziniń ótimdiligi men pikiriniń paıym­dy­lyǵy sııaqty qasıetterin dúnıe júzi túgel tanyp, adamzat órke­nıetiniń aldyndaǵy órligin moı­yndap otyr. Osy jyldary Prezıdentpen birge eńbek etý men úshin ómirimniń este qalarlyq erekshe sabaqtaryna aınaldy. Biz búgin Elbasynyń márte­be­sine arnalǵan zańdarǵa ózgerister engize otyryp, Qazaqstan Respýb­lı­kasynyń Tuńǵysh Prezıdentine «Halyq Qaharmany» ataǵyn berý týraly sheshim qabyldaý arqyly barlyq qazaqstandyqtardyń óz Memleketiniń basshysyna degen tilegin oryndadyq. Bizdiń bul sheshimimiz tarıhı sheshim dep esepteımin. Nurlan SÚLEIMENOV, Parlament Senatynyń depýtaty.