Ádilettik saltanat qurdy

Elimizdiń Parlamenti Sena­ty­nyń depýtattary halyq kókeıinde júrgen eldik múddeden shyǵatyn shynaıy tarıhı sheshim qabyl­da­dy. Tuńǵysh Prezıdentimizge zań­dy negizde «Altyn Juldyz» ben «Otan» ordeni qosa tapsyry­la­tyn «Halyq Qaharmany» ataǵyn berý jóninde «Qazaqstan Respýb­lı­kasynyń Tuńǵysh Prezıdenti – Elbasy týraly» Konstıtýsııalyq zańǵa jáne «Qazaqstan Respýb­lıkasynyń memlekettik nagrada­lary týraly» Zańǵa tolyq­ty­rý­lar engizildi. «Zamanyna qaraı – adamy» degendeı, myńnan tulpar shyǵyp, halqynyń abyroıyn asqaqtatyp, egemen eliniń uly kóshin bastaǵan birtýar perzent, Tuńǵysh Prezıdentimiz Nursultan Ábishuly Na­zarbaevtyń el Táýelsizdiginiń 20 jyldyǵy ishinde atqarǵan eńbegi ǵasyrlar salmaǵymen ólshenetin eren qubylys. Eli men jeri úshin, keshegi men búgingisi úshin basyn báıgege tigip, nebir syn saǵatta syndarly erlik, ulaǵatty aza­mattyq tanytqan zamana dara­bo­zy Nursultan Nazarbaevtaı-aq bolar! Bárimizge belgili, budan buryn Elbasyn Otanymyzdyń eń jo­ǵary nagradalarymen marapattaý týraly eńbek ujymdarynan, qo­ǵamdyq uıymdardan, halyq ókil­derinen kóptegen ótinishter tús­ken bolatyn. Elimizde «Eńbek Eri» ataǵy alǵash bekitilgen kezde osy marapattyń birinshi nómirin de Elbasyǵa berý jóninde kóp­te­gen usynystar boldy. Biraq Tuń­ǵysh Prezıdentimiz óz Jarly­ǵy­men ózin marapattaýdan bas tart­ty. «Rahmet, maǵan eshqandaı marapat kerek emes. Men úshin eń úlken nagrada – halyq senimi», degen bolatyn Elbasy. Elimiz óz tarıhyndaǵy damý bıiginiń shyńyna shyǵyp, tórtkúl dúnıege tanylǵan Táýelsiz­digi­miz­diń 20 jyly ishinde Memleket basshysy óz qolymen el egemendigine eren eńbegimen úles qosqan talaı otandastarymyzǵa joǵary nagradalar tapsyrdy. Al osy el egemendigine qosqan úles turǵy­synan keletin bolsaq, Tuńǵysh Prezıdentimizdiń bul oraıdaǵy balamasyz eńbegine ólshem jetpeıdi ǵoı. Endeshe, shejireli de tabysty 20 jyl ishinde Elba­sy­nyń halyq múddesi, urpaq bola­shaǵy, el birligi, tabysty ekono­mı­kalyq damý jolyndaǵy jan­qııar­lyq eńbegin eskermesek, bul tarıh aldyndaǵy, bolashaq urpaq aldyndaǵy ádiletsizdik bolar edi. Sondyqtan zań jobasyna engizilgen ózgeris sol ádiletsizdiktiń al­dyn alǵan shyn mánindegi ádiletti sheshim. Senat otyrysynda meniń árip­tesim Muhtar Altynbaev «Osy ýaqytqa deıin Tuńǵysh Prezıdentimizde joq marapatty ıelenip, meniń «Halyq Qaharmany» bolyp júrgenim ózime yńǵaısyz kóri­ný­shi edi. Endi ádilettilik saltanat qurdy», degen bolatyn. Men bul pikirge tolyq qosylamyn. Tipti másele memlekettik nagradada emes, Konstıtýsııa boıynsha biz­diń elimizdiń árbir adamy teń quqyly. Sondyqtan nar kótermes aýyr júkti kóterip, Táýelsiz elin asqar asýlarǵa bastap kele jatqan Elbasynyń quqy nege shektelýi kerek?! Mine, Parlament Sena­ty­nyń búgingi tarıhı sheshimi ar­qyly Táýelsizdik toıynyń 20 jyl­dyǵy qarsańynda ádilet shy­ny­men saltanat quryp, el mereıi taǵy da eseleı ósti. Halqymyzdyń mańdaıyna bitken osyndaı birtýar tulǵanyń qa­dirin túsinip, abyroıyn asqaq­ta­taıyq. Tuńǵysh Prezıdentimizdiń el bolashaǵy jolyndaǵy eren eńbegi aldaǵy ýaqytta da tabysty bolyp, asqaraly asýlardy ala bereıik, aǵaıyn! Svetlana JALMAǴAMBETOVA, Parlament Senatynyń depýtaty.