Munaı óndirisiniń tyń mindetteri

– «Sıfrly Qazaqstan» memlekettik baǵ­darlamasynyń is-sharalar tizimine en­gen «QazMunaıGaz» Barlaý О́ndirý» AQ júzege asyryp jatqan «Sıfrly ken alańy» jáne «QazMunaıGaz» UK» AQ-tyń «Jabdyqtarǵa tehnıkalyq qyzmet kór­setý jáne jóndeýdiń avto­mat­tand­y­ry­l­ǵan júıesin engizý» jobala­ry mu­naı-gaz salasyndaǵy negizgi jobalar bolyp sana­lady, – dep basa aıtty Energetıka vı­se-mınıstri Bolat aqsholaqov.

Esterińizge sala keteıik, 2016 jylǵy aqpan aıynda EMG bazasynda Ýaz keń alańynda «Sıfrly ken alańy» qa­nat­qaqty jobasy iske qosylyp, óz tı­im­di­ligin dáleldedi. Elektr energııasyn qol­daný 35 paıyzǵa azaıdy. Uńǵymalar qo­ryn paıdalaný koeffısıentin kóbeıtý ar­qyly qosymsha 1360 tonna munaı ón­dirý qamtamasyz etildi. Jerasty jóndeý jumystarynyń kólemi azaıyp, ár uńǵymadaǵy munaı óndirý esebi biryńǵaılandy. Jınaqtalǵan tájirıbege oraı «QazMunaıGaz» Barlaý О́ndirý» AQ kom­panııalar tobyna taratý maqsatynda bar­lyq qor jáne munaı men gaz óndirýdiń 80 paıyzǵa jýyǵy keletin birqatar negizgi ken alańdary irikteldi. 2017 jy­ly EMG-da «Sıfrly ken alańy» tu­jy­rymdamasy Prorva ken alańdary to­byna da taratylyp, bıylǵy jyly «Jaı­yq­munaıgaz» MGО́B-niń Jańatalap ken ornyna engizilýde.

– Qazirgi tańda iri munaı kompa­nııa­larynyń barlyǵynda derlik ıntellek­tý­aldy ken alańy tujyrym­da­masyn ázirlep, en­gi­zýmen aınalysatyn bólimsheleri bar. Jal­py alǵanda, álem­dik munaı-gaz salasy ıntellektýaldy ken  alańdaryn qurýǵa al­daǵy 5 jyl­da 1 mlrd dollardan astam qarajat jum­saýdy josparlap otyr. Sondyqtan biz memleket pen bıznes, IT salasynda qyzmet kórsetetin kompanııalar men munaı kompanııalarynyń arasynda ashyq pikir almasý alańdaryn qalyptastyrý, munaı óndirý salasyndaǵy ozyq sandyq tehnologııalardy tanys­tyrý maqsatynda atalǵan forýmdy uıym­dastyrýdy jón sanadyq, – dep atap ótti EMG basqarma tóraǵasy Ánýar Jaqsybekov.

Forým barysynda qatysýshy dele­gat­tarǵa 11 baıandama oqylyp, tanys­ty­ryl­dy. Onyń ishinde, 8-i – Microsoft, IBM, Schlumberger syndy kompanııalardan kelgen halyqaralyq sarapshylar daıyndaǵan ju­mystar. Sıfrlandyrý júıesiniń kele­shek­tegi máseleleri, qaýipter jáne basqa da týyndaǵan saýaldar Energetıka vıse-mı­nıstri B.Aqsholaqovtyń, halyqaralyq sa­rapshylardyń, iri munaı-gaz jáne ser­vıs­tik kompanııalar basshylarynyń qa­ty­sýymen pikir almasý alańynda keńinen tal­qylandy.

Baqytgúl BABASh, «Egemen Qazaqstan»