Parlament Senatynda Halyqaralyq qatynastar, qorǵanys jáne qaýipsizdik komıtetiniń jáne Qarjy jáne bıýdjet komıtetiniń músheleri bıýdjet zańnamasyn jetildirý máseleleri boıynsha kezdesý ótkizdi.
Esep komıtetiniń múshesi K.Plotnıkov, ulttyq ekonomıka mınıstri T.Súleımenov, qarjy, bilim jáne ǵylym, densaýlyq saqtaý, aýyl sharýashylyǵy mınıstrleriniń orynbasarlary, Qazaqstan Respýblıkasy salyq tóleýshiler assosıasııasy Basqarý keńesiniń tóraǵasy J.Ertilesova baıandama jasady.
Senatorlar D.Ádilbekov, S.Jaqsybekov, S.Plotnıkov, B. Shelpekov, T.Muqashev bıýdjet zańnamasyn jetildirý máseleleri boıynsha óz usynystaryn aıtty.
Qarjy jáne bıýdjet komıtetiniń tóraǵasy Olga Perepechına kezdesýdi qorytyndylaı kelip, Bıýdjet kodeksine qosý jóninde usynystar elimizdiń 8 aımaǵynan - Shyǵys Qazaqstan, Jambyl, Batys Qazaqstan, Qaraǵandy, Qyzylorda, Qostanaı, Pavlodar jáne Ońtústik Qazaqstan oblystarynan kelip túskenin atap ótti. «Depýtattar ol usynystardyń árqaısysyn qaraıdy jáne talqylanatyn bolady, tıisti zań jobasyn qaraý barysynda eskeriledi dep senemin», - dep atap ótti senator.