Memlekettik qyzmetshiler kúni jáne QR Memlekettik qyzmet jáne sybaılas jemqorlyqqa qarsy is-qımyl agenttiginiń 20 jyldyǵy aıasynda memlekettik organdar kóptegen sharalardy mejelep otyr.
Respýblıkalyq «90 myń túp jańa aǵashtar» aksııasy sheńberinde Memlekettik qyzmet jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti qyzmetshileri oblys ortalyǵyndaǵy alleıalardyń birin tazalap, oǵan aǵash otyrǵyzdy.
Aldaǵy taıaý ýaqytta bul aýmaq «Memlekettik qyzmet alleıasy» degen ataý alatyn bolady. Ol Qostanaı qalasyndaǵy Abaı dańǵyly men Altynsarın kóshesiniń qıylysyna ornalasqan.
«Departament qyzmetshileri aldaǵy ýaqytta osy alleıany únemi tazartyp, kórkeıtýdi, kógaldandyrýdy, taǵy da jańa aǵashtar otyrǵyzyp, adamdar otyratyn oryndyqtar jasaýdy mindetine alady. Ol qalalyqtar men qala qonaqtary bos ýaqytyn ótkizýge, demalatyn qolaıly orynǵa aınalady» deıdi departament basshysynyń orynbasary Erlan Salyqbaev.
Názıra Járimbet
«Egemen Qazaqstan»
Qostanaı