Parlament Senatynyń Tuńǵysh Prezıdentimiz Nursultan Ábishuly Nazarbaevqa «Halyq Qaharmany» ataǵyn berýge baılanysty zańdyq bastamashylyǵy maǵan úlken oı saldy. Qashan da eńbek, tyndyrylǵan is, tulǵalardyń qyzmeti baǵalanýǵa tıis. Bul ádilettilik bolady. Sol ádilettilikke barmasaq, ol – tarıhqa qııanat.
Eń aldymen Parlament Senatynyń osy máseleni qozǵaýynyń ózi halyqtyń pikirin dóp basyp, eskergendik der edim. Nurekeńniń qyzmetin laıyqty baǵalaý – halyqtyń tilegi. Al sol eńbekti jan-jaqty aıtyp shyǵýdyń ózi qıyn-aq. Eger qysqa qaıyryp aıtar bolsaq, men ony táýelsizdikke qoly jetken Qazaqstan Respýblıkasynyń búgingi jetken bıigi der edim. Bul jetistik tikeleı Nursultan Ábishulynyń atymen baılanysty.
Táýelsizdikke qol jetken tustaǵy eldiń jaǵdaıy qandaı edi? Ony búgingimen salystyrý tipti oǵash kórinedi. Jurt azyn-aýlaq aılyq pen zeınetaqyǵa qarap qalǵan. Tipti sonyń ózi ýaqtyly berilmeıtin. Al endi sol azyn-aýlaq qarjyǵa dúkende alatyn zat ta joq edi ǵoı. Búgingi jastar oǵan senbeıdi. Ony múmkin emesteı kóredi. Sol múmkin emesteı jaǵdaıǵa Nursultan Nazarbaevtyń basshylyǵymen jettik. Qazir Qazaqstan Respýblıkasy damýdyń jarqyn jolyna túsken, sol damý qarqyny boıynsha álemdegi jetekshi eldiń biri.
О́mirdiń qaı salasynda da jetken bıigimiz joǵary. Talaı jarqyn mysaldar keltirýge bolady. Ol uzaq áńgime bolar edi. Men sol ómirdiń bir qyryna, elimizdi mekendegen etnostardyń birligine, yntymaǵyna ǵana toqtalmaqpyn.
Bul ózi asa kúrdeli másele. Qıyndyqty basymyzdan keshpegen soń, oǵan kóp mán bere bermeımiz. Osylaı bolýǵa tıistideı kóremiz. Al ol – El basshysynyń halyq yntymaǵyn qalyptastyrýǵa baılanysty úlken saıasatynyń arqasynda qalyptasqan jaǵdaı. Aınalamyzǵa, syrttaǵy elderge qarasaq, buǵan aıqyn kózimiz jetedi.
Bul elderde bir ulttan turatyn halyq ta ekige bólinip, qyrqysyp jatady. Al ártúrli ult ókilderiniń arasyndaǵy qaqtyǵys jıi kezdesedi. Myqtysy álsizine kúsh kórsetedi. Sonyń ózi bul elde zańdylyqtaı qabyldanady.
Bizdiń Otanymyzda 130 ult pen ulystyń ókilderi bar. Ras, bireýleri kópteý, bireýleri az. Áńgime solardyń eshqaısysyna qysym joqtyǵy ǵana emes-aý, olarǵa úlken qamqorlyq bar. Bul qamqorlyq mádenı-rýhanı turǵyda ǵana emes, saıası turǵyda da júzege asyp otyr.
Sonyń aıshyqty kórinisi – Qazaqstan halqy Assambleıasy. Mundaı qurylym alǵash ret bizdiń elimizde paıda boldy. Onyń avtory – Nursultan Nazarbaev. Basqalar bizdiń elimizdegi halyqtardyń yntymaǵyna, birligine qyzyǵa qaraıdy. Jeke ult ókilderi ǵana emes, memleket, úkimet basshylary da oǵan aıryqsha nazar aýdarady. Elde tynyshtyq bolǵanyna jeke adamdar da, basshylar da múddeli. Bizdiń elde qalyptasqan jaǵdaı basqalarǵa ónege.
Men – kúrd ultynyń ókilimin. Ony jasyrmaımyn. Maqtan etemin. Oqydym, jetildim, ǵylymnyń biraz bıigine kóterildim. Soǵan jetýge maǵan eshnárse kedergi bolǵan joq. Qazaqstandaı elde ómir súrgenimdi maqtan tutamyn, ózimdi baqytty sanaımyn. Nursultan Nazarbaevty elimizdegi barlyq ult pen ulys ókilderi qoldaıdy. О́ıtkeni, ol halyq yntymaǵynyń basynda tur. Ol – baǵa jetpes eńbek.
Prezıdentimizge «Halyq Qaharmany» ataǵyn berý jónindegi máseleniń kóterilýi, munyń óziniń joǵary deńgeıde talqylanýy da Nurekeńniń joǵary adamı qasıetin ańǵartady. Búginge deıin ol bul ataqtan bas tartyp keldi. Ony azamattyq erlik der edim. Al bul jolǵy usynys pen qabyldanǵan sheshimniń jóni bólek.
Knıaz MIRZOEV, Qazaqstan halqy Assambleıasy Keńesiniń múshesi, Qazaqstan kúrdteri «Barbang» qaýymdastyǵynyń tóraǵasy.
Almaty.