Aǵa urpaq ókilderiniń tilegi

Jıyrma jyl ishinde Prezıdent Nur­sultan Ábishuly Nazarbaevtyń     bas­shylyǵy men batyrlyǵynyń arqa­syn­da elimiz qyl kópirden ýaqyttyń aq daýyl, qara daýyl kezeńinen aman-esen abyroımen ótti. Atom qarýynan bas tartyp, ony adamzattyń ıgiligine  ba­ǵysh­taýǵa muryndyq boldy. Búkil Jer shary elderi bala kóńildi, dana peıildi qazaq degen el bar, Qazaqstan degen alyp jer bar, Táýelsiz memleket  bar ekenine kózderi jete bastady. Kezinde Azııa jáne Afrıka elderimen yntymaqtastyq komıtetin basqar­ǵan kezimde shet elde bolǵanymda qazaq jerinen ekenimdi, qazaq qyzy ekenimdi jetkize almaı san muńaıýshy edim. Biz­diń El basshymyz endi kári qurlyq – Eý­ropanyń quldyraýǵa aınalǵan uıy­myn­daǵy 56 elden quralǵan uıymnyń basyn biriktirip, Sammıt ótkizdi. Bú­gin­de ıslam elderiniń uıymynda da syndarly ister atqarýda. О́z elimizde alyp Astana ómirge kelip, ınnovasııalyq jańalyqtary jaı­qa­la túsýde. Jastarymyzdyń júzi jar­qyn, qarttarymyzdyń keleshekke senimi mol. Mine, osynyń bári-bári de júgi aýyr kemeni alyp kele jatqan Nure­keń­niń arqasynda dep bilemiz. Qaha­r­man­dyq kórsetý degen osyndaı-aq bolar.  Qaharmandyqqa ıe bolatyn adam osyn­daı-aq bolar. Bizdiń úıdiń otaǵasy Shapaǵat Ál­bazar­uly Nurekeńmen Mınıstrler Ke­ńesinde   birge qyzmet jasady.  Eki ret   ol kisiniń qolynan orden aldy.   Nurekeń   Ortalyq Komıtettiń ónerká­sip jónindegi hatshysy bolǵanda men de Mınıstrler Keńesi janyndaǵy Bas muraǵat basqarmasynyń bastyǵy bo­lyp qyzmet atqaryp, jaqsy qarym-qa­tynasta boldyq. Jınalystarda, basqosýlarda kezdesip turdyq. «Qazaqstan Respýblıkasynyń Tuń­ǵysh Prezıdenti – Elbasy týraly» Qa­zaq­stan Respýblıkasynyń Konstıtý­sııa­lyq za­ńyna jáne «Qazaqstan Res­pýb­lıkasynyń memlekettik nagradala­ry týraly» Qa­zaqstan Respýblıkasy­nyń Zańyna to­lyqtyrýlar engizip, Nursultan Nazar­baevqa aıryqsha erekshelik belgisi – «Altyn Juldyz» ben «Otan» ordeni tap­syryla otyryp, «Ha­lyq Qaharmany» ata­ǵynyń berilýin   men sııaqty analardyń, aǵa urpaq ókilderiniń  tilegi dep bilińizder. Bıjamal RAMAZANOVA, memleket jáne qoǵam qaıratkeri,  Almaty qalalyq ardagerler keńesindegi jastarǵa patrıottyq tárbıe berý jónindegi komıssııanyń tóraıymy.