Oblys ortalyǵyndaǵy «Ertis daryny» óńirlik qosymsha bilim berý oqý-ádistemelik ortalyǵynyń habarynsha, Shyǵys Qazaqstan oblystyq«Daryn» aımaqtyq ǵylymı-praktıkalyq ortalyǵynyń uıymdastyrýymen akademık Qanıpa Bitibaeva atyndaǵy qazaq tili men ádebıeti páni boıynsha respýblıkalyq olımpıada ótti.
Olımpıadaǵa elimizdiń mektepterinen 9-11 synyptarynda oqıtyn 200-den astam oqýshy qatysypty. Olımpıada «Qurmet» ordeniniń ıegeri, ataqty muǵalimi Qanıpa Omarǵalıqyzy Bitibaevany eske alýǵa arnaldy. Olımpıada 2015 jyldan bastap elimizdiń Bilim jáne ǵylym mınıstrligi bekitken respýblıkalyq olımpıadalar tizbesine engizildi. Júldeger atanatyn 11 synyp oqýshylaryna joǵary oqý oryndaryna túsý barysynda memlekettik grantqa ıe bolýǵa quqyq beredi.
Olımpıadanyń oblystyq kezeńinde I jáne II oryndarǵa ıe bolǵan memlekettik tilde oqytylatyn jalpy orta bilim berý jáne mamandandyrylǵan mektepterdiń 12 oqýshysy qatysty. Olımpıada qorytyndysynda I dárejeli dıplomǵa– oblys ortalaǵyndaǵy «Jas daryn» mamandandyrylǵan mektebiniń 10, 11 synyp oqýshylary Amantaı Aıgúl, Baýyrjan Aqerke; II dárejeli dıplomǵa– 11 synyp oqýshysyKenjehan Aıdana, III dárejeli dıplomǵa –Y.Altynsarın atyndaǵy gımnazııa-ınternatynyń 11 synyp oqýshysy Ilımhan Aqerke ıe boldy. Al, «Til sheberi» nomınasııasyn óńirdegi Aqsý qalasyndaǵy mamandandyrylǵan gımnazııa mektebiniń 10 synyp oqýshysy Karıbaeva Malıka ıelendi.
Sonymen birge, «Daryn» respýblıkalyq ǵylymı-praktıkalyq ortalyǵynyń Qurmet gramotasymen oblys ortalyǵyndaǵy №38 negizgi mektebiniń 9 synyp oqýshysy Soltanmurat Kamıla, Aqsýdaǵy mamandandyrylǵan gımnazııanyń 9 synyp oqýshysy Kúntaeva Ámına, «Jas daryn» mamandandyrylǵan mektebiniń 9 synyp oqýshysy Qýnaqpaı Málıke jáne Y.Altynsarın atyndaǵy gımnazııa-ınternatynyń 11 synyp oqýshysy Bákibaı Tolǵanaı marapattaldy. Jeńimpazdar men júldegerlerge baǵaly syılyqtar tabystaldy.
Farıda Byqaı,
«Egemen Qazaqstan»
Pavlodar
Sýretti túsirgen: Baıan Ámirǵalaıeva