Semeıdegi Shákárim atyndaǵy memlekettik ýnıversıtette halyqaralyq bilim berý forýmy ótti

Forýmdy uıymdas­tyrý­shylardyń qatarynda Shákárim ýnıversıteti, Polshanyń Leshno qalasyndaǵy Iаn Amos Komenskıı atyndaǵy memlekettik joǵary kásibı bilim mektebi, Ońtústik Koreıanyń Kıýngdong ýnıversıteti, Qytaıdyń Shenjen ýnıversıteti, Iordanııadan Búkilálemdik ıslam ǵylym akademııasy jáne Shveısarııanyń ekonomıka men menedjmentke arnalǵan qoldanbaly ǵylymı joǵary mektebi bar. 

– О́rkenıetti mádenıetterdiń basyn biriktirý, halyqtar ara­syndaǵy ózara túsinistikti damytý osynyń barlyǵy forým­nyń negizgi maqsaty, – dedi Shá­ká­rim atyndaǵy memlekettik ýnıver­sıtettiń rektory Meıir Esken­dirov, – dýaldy bilim berý júıe­siniń otandyq jáne halyq­aralyq tájirıbesin damytý, tór­tinshi ónerkásiptik revolıýsııa jaǵdaıynda qos dıplomdy bilimniń mańyzdylyǵyn arttyrý búgingi ózekti máseleler.

Forýmnyń qurmetti tóra­ǵasy bolyp memleket jáne qoǵam qaıratkeri, Qazaqstan Respýb­lıkasy Prezıdenti Keńsesiniń bastyǵy, saıasattanýshy, saıasattaný ǵylymdarynyń doktory, professor, Tuńǵysh Prezıdent – Elbasy kitaphanasynyń basshysy Mahmud Qasymbekov saılandy. 

Rektor qurmetti tóraǵa Mah­mud Qasymbekovtiń forýmǵa qaty­­sýshylarǵa arnaǵan úndeýi­men tanystyrdy. Onda Qazaq­stannyń álemdik ıntegrasııadan alatyn ózindik orny asa ózekti má­sele ekendigi jáne halyqtar dos­tyǵy men yntymaǵy, sol sııaq­ty bilim salasyndaǵy jańa­­shyl­dyq bastamalary bo­la­shaq­ta búkil adam­zatty beıbit ómir­ge je­teleı­tindigi týraly aıtyl­ǵan. 

 Shara barysynda plenarlyq otyrys jáne ǵylymı-tájirıbelik alań ótkizildi. Shákárim ýnı­ver­sıteti aıasynda «Polsha-Qazaq­stan mádenı ortalyǵy» ashyl­dy. «Akme» aǵartý klýby da óz májilisin ótkizip, «Sy­baılas jemqorlyqpen kúres: ha­lyqaralyq tájirıbe jáne árip­testik» taqyrybymen dóńge­lek ústel uıymdastyrdy. Son­daı-aq qonaqtar «Jıdebaı» etno­festıvalin tamashalady.

Forýmda basty spıker­ler retinde Kıýngdong ýnıver­sıtetiniń rektory, profes­sor Djon Lı, Shenjen ýnıver­sıtetiniń rektory, professor Tao Iıtao, Polsha elinen Iаn Amos Komenskıı joǵary mek­tebiniń rektory, professor Ma­cheı Petshak, Shveısarııa eliniń ekonomıka jáne menedjment boıynsha qoldanbaly joǵary mektebinen rektor, professor Domınık Djordan sóz sóıledi. 

Osyndaı joǵary deńgeıde forým ótkizý Elbasynyń bilim salasyn damytýdaǵy tyń bas­tamalarynyń biri, ekonomıkalyq jáne rýhanı, saıası baǵyttaǵy usynyp otyrǵan basty tapsyrmasy, dedi sharaǵa jınalǵandar. Fo­rým basqarmasynyń músheleri «Bilim berý – álemge» atty har­tııaǵa qol qoıdy. Olar endi álem­degi rýhanı bastamalardyń jań­ǵyrýyna úles qospaq.

Raýshan NUǴMANBEK, jýrnalıst 

SEMEI