Múgedek jandar úıli boldy

Keshe Astana qalasy ákimdiginde el Táýelsizdigi­niń 20 jyldyǵyna oraı 17 qurylys kompanııasy men bir jeke tulǵa áleýmettik áriptestik sheń­be­rin­de elordada turyp jatqan múmkindigi shekteýli ba­la­lary bar 20 otbasyna tegin páter kiltterin tabys etti. Astana qalasynyń ákimi Imanǵalı Tasmaǵambetov atal­mysh sharada Astanada Táýel­siz­diktiń 20 jyldyǵy qarsa­ńyn­da muqtaj jandarǵa qol- ushyn berý, meıirimdilik tanytý sekildi ıgi dástúrlerdiń jal­ǵa­syn taýyp kele jatqanyna rıza­shylyǵyn bildirdi. Sondaı-aq ol eldiń birligi men berekesiniń osyndaı saýapty isterde jat­qanyn da nazardan tys qal­dyr­mady. Mundaı alǵashqy aksııa Astana kúninde oryn alyp, ol kez­de 17 qurylys kompanııa­sy­nan astanalyqtardyń 24 muq­taj otbasylary páterge ıe bol­ǵan-dy. Ákim óz sózinde osyn­daı azamattarǵa járdem berý jóninde bastama memlekettik organdardan emes, jeke kompanııalar tarapynan kóterilip, olar kezekti márte ákimdikke atal­ǵan qaıyrymdylyq ıdeıa­sy­men shyqqanyna toqtaldy. Qaıyrymdylyq bastamasyn qurylys kompanııalarynyń kóte­rýi kezdeısoq emes. О́ıtkeni, elimiz egemendik alyp, qala elorda mártebesine ıe bolǵaly osy sala qarqyndy damyp keledi. Qury­lys salasy búkilálemdik qarjy daǵdarysy jyldarynda memleket tarapynan úlken qoldaýǵa ıe bolyp, jańa serpin aldy. Asta­na­nyń turǵyn úı salasyndaǵy jyl saıynǵy ósimi 30-50 myń sharshy metrdi quraıdy. О́tken jyly 1 mln. 380 myń sharshy metr turǵyn úı salynǵan bolsa, bıyl 1 mln. 400 myń sharshy metr turǵyn úı paıdalanýǵa berilmek. Tek sońǵy úsh jylda 4 mln. sharshy metr turǵyn úı paı­da­lanýǵa berilse, osyǵan sáı­kes, qurylys salasyna tarty­la­tyn ınvestısııa kólemi de ul­ǵaıǵan. Astananyń áli de 5 mln. shar­shy metr turǵyn úı salýǵa áleýe­ti bar. 2011 jyldan bastap bas qalada turǵyn úı qury­lysynyń 2014 jylǵa deıingi jańa baǵdarlamasy júzege asy­ryla bastady. Onyń aıasynda 1 mln. sharshy metr turǵyn úı salynbaq. Ony júzege asyrý barysynda «Myńjyldyqtar alleıasy», «Han Shatyr» keshe­niniń batys bóligi men Qa­ban­baı batyr dańǵylynyń Áýejaı aınalma jolynan Syǵanaq kó­she­sine deıingi aýdandary ıge­rile bastaıdy. Ábdirahman QYDYRBEK.

110 otbasyna – páter, 330 bóbekke – balabaqsha

Oblysta el Táýelsizdiginiń 20 jyldyǵyna arnalǵan ıgi sharalar jarysa jalǵasýda. О́tken aptada Ekibastuz qala­synda ashylǵan  «Gnezdyshko» atty  balabaqshada  qazaq, orys tilderinde tárbıe beriledi. Ishi-syrty birdeı ádemi ǵımarat bóbekterge jaqsy syılyq bol­ǵandaı. Balabaqshada barlyq jaǵdaı jasalǵan. Osyndaı jańa sáýletti balabaqshany  tur­ǵyzý úshin respýblıkalyq bıýdjetten 640,8 mıllıon teń­ge bólindi. Qurylysshylar da mereke aldyndaǵy ýádelerinde turdy. Búldirshinder men ata-analardy ashylý saltanaty kezinde Ekibastuzda bolǵan oblys ákimi Baqytjan Saǵyntaev qut­tyqtady. Iаǵnı, oblysta elimizde qabyldanǵan memlekettik «Balapan» baǵdarlamasy júzege asýda. Jyl sońyna deıin  mundaı qýa­nyshtar  kóbeıedi. Qala ákimi Aleksandr Verbnıaktyń aıtýyn­sha,  kenshiler qalasynda bóbek­ter­diń 93 paıyzy balabaqshaǵa barady deýge bolady. Jańa bala­baq­shanyń ashylýymen birge osy jerde 100 adam jumysqa orna­lasty. Al, qalaǵa qarasty aýyldarda mektepter janynan shaǵyn or­ta­lyqtar da ashylýda. Jyl sońyna deıin Aqsý, oblys ortalyǵynda jáne aýdan ortalyqtarynda da balabaqshalar paıdalanýǵa beriledi. Sonymen qatar, oblys ortalyǵynda «Qazaqstan alıýmınııi» AQ qurylysyn júrgi­zip jatqan kóp qabatty úıdiń birinshi qabatynda shaǵyn ba­la­baqsha ashý josparlanyp otyr. Aıtpaqshy, «Jumyspen qam­­tý-2020» baǵdarlamasy sheń­be­rin­de qalada 110 páter­den tu­ratyn 5 qabatty eki úıdiń qu­ry­lysy  úshin respýblıka­lyq bıýdjetten 385 mıllıon teńge bólinipti. Qazir qurylys ju­­mys­tary qarqyndy júrgizilýde. Farıda BYQAI. Ekibastuz.