Kezekten tys saılaýdyń talapqa saı bolýy mańyzdy

Parlament Májilisiniń kezekten tys saılaýyn baqylaý jónindegi respýblıkalyq qo­ǵam­dyq komıssııanyń shtaby óz jumysyn bastady. Bul jó­ninde respýblıkalyq qoǵam­dyq komıssııanyń músheleri osy máselege arnalǵan bas­pa­sóz máslıhatynda habarlady. Sonymen, atalǵan komıs­sııanyń quramyna on adam engizildi. Olardyń arasynda QR UǴA akademıgi, belgili ǵalym Tóregeldi Sharmanov, «AıtPARK» qoǵamdyq-saıası klý­by­nyń qurýshysy jáne mode­ratory Nurlan Erimbetov, saıa­satker Aıdos Sarym, Qa­zaq­stan kınematografıster oda­ǵy­nyń tóraǵasy Igor Vovnıanko, belgili zańger Tagır Sısembaev, Qazaqstan saıasatkerleri assosıasııasynyń jetekshisi Esenjol Alııarov, «Bas redaktorlar klýbynyń» prezıdenti Bolat Erejepov jáne basqalar bar. «AıtPARK» qoǵamdyq-saıa­sı klýbynyń jetekshisi Nurlan Erimbetovtiń pikirinshe, «qoǵamdyq komıssııanyń basty maqsaty jańa saıası má­denıetti, jańa saıası dás­túr­lerdi qalyptastyrý, al munyń ózi Qazaqstandaǵy saılaýdyń árdaıym ádil, taza jáne ashyq ótýine yqpal etpek». «Prezıdenttik saılaýdy ót­kizý kezinde birshama táji­rıbe jınaq­tal­dy. Qazir de birqatar saıası partııalardyń kóshbasshy­la­ry­­men áńgimeler ótkizip, olar­dy qandaı má­seleler tol­ǵan­dy­ratyny jáne qynjylta­tyn­­dyǵy týraly da áńgime qoz­ǵadyq. Qalaı bol­ǵanda da kezekten tys ótetin saılaýdyń kópshilik saılaý­shylar kút­ken­degideı talap deńgeıinde bo­lýynyń mańyzy zor», dedi ol. Parlament Májilisiniń kezekten tys saılaýyn baqylaý jónindegi respýblıkalyq qo­ǵam­dyq komıssııa shtaby mú­sheleriniń qatysýymen ótken baspasóz máslıhatynda sóz alǵan B.Erejepov óz kezeginde klýb músheleriniń atqarǵan bir­qatar aýqymdy isterine toq­taldy. Bul, eń aldymen, Parlament Májilisiniń jáne máslıhattardyń saılaýlaryna qatysty Hartııanyń qabyl­da­nýyna tikeleı baılanysty. Kóp­shiliktiń esinde bolsa, mun­daı Hartııa 2007 jylǵy Parlament Májilisiniń saı­laýy úderisi kezinde de qabyl­danǵan edi. Ol kezde bul qu­jat­qa buqaralyq aqparat quraldarynyń 65 jetekshisi qol qoıǵan bolatyn. Qazirde osy klýbta 200-ge jýyq BAQ basshylary bar jáne de olar qol qoıǵan buqaralyq aqparat quraldaryn belsendi túrde qoldaıtyndyǵyna úlken senim bildiredi. B.Erejepovtiń paıymyn­sha, el ómirindegi eleýli oqı­ǵalar – saılaýlar men ózge de mańyzdy saıası naýqandarǵa qatysý barlyq jýrnalıs­ter­diń qoǵamdyq mindeti ekendigi sózsiz. «Bizderdiń bul ko­mıs­sııaǵa birigýimizdiń ózindik sebepteri de jetkilikti, óıtkeni, komıssııa bıylǵy jylǵy prezıdenttik saılaýda da jumys istedi. Atqarylǵan ister jáne ony ótkizý tabysqa qol jetkizgendigi kóńilge qýanysh uıa­la­tady. Máselen, EQYU baı­qaý­shylary ózderiniń esepterinde bul komıssııanyń jumy­syn oıdaǵydaı baǵalady. Bir quptarlyǵy, BAQ týraly bó­lim­ge ózderiniń esepterinde olar­dyń eshqandaı syn-esker­tý­ler engizbeýi kóp nárseden habar berse kerek. Al, budan shyǵatyn qorytyndy – Qazaq­stannyń buqaralyq aqparat quraldary saılaý týraly naqty jáne aqıqatty túrde ári ashyq jazatyndyǵy is jú­zinde dáleldenip otyr», dedi B.Erejepov óz sózinde. Qazirgi tańda respýblıka boıynsha 10 myń saılaý ýchaskesi bar, munyń ózi árbir par­tııaǵa osyndaı kólemde baqy­laýshylar qajet ekendigin aı­qyndaıdy. Baspasóz máslıha­tyn uıymdastyrýshylardyń esepteýinshe, búginde tirkeýge arnalǵan 40 myń qoldy jı­nas­tyrýdyń qajettiligi zor. Sonyń nátıjesinde aldaǵy parlamenttik saılaý partııa músheleriniń jumys isteý qabilettiligin synǵa salmaq. Sóz reti kelgende atap aı­tarlyǵy, qoǵamdyq komıssııa jumysynda birqatar jańa­lyq­tar da bar. Komıssııa áleý­mettik uıymdarmen áriptestik jóninde kelisimge kelgen. Mundaı áriptestik, eń aldy­men, saılaý kezinde áleýmettik zertteý ótkizý úshin óte qajet. Sóıtip, respýblıkalyq qoǵam­dyq komıssııanyń shtaby Or­talyq saılaý komıssııasy men saılaýǵa qatysýshylar ara­syndaǵy tıimdi baılanystyń negizgi býyny bolyp tabyl­maq. Baqyt BALǴARINA. Almaty.