«Barselona» komandasynyń shabýylshysy Lıonel Messı Ispanııa chempıonatynyń maýsymy aıaqtalǵannan keıin «Altyn býtsa-2018» júldesiniń ıegeri atandy.
Argentınalyq shabýylshy bul maýsymda lıganyń 36 oıynynda 34 ret gol salyp, 68 upaı jınady. Al onyń basty qarsylasy sanalǵan - «Lıverpýl» oıynshysy Muhammed Salah Anglııa chempıonatyn 32 golmen aıaqtady (62 upaı).
Aıta keteıik, bul Messıdiń mansabyndaǵy besinshi «Altyn býtsasy». Ol bul marapattty eki ret qatarynan jeńip aldy. Osyǵan deıin ol 2010, 2012, 2013 jáne 2017 jyldary ıe bolǵan edi. Osylaısha, 30 jastaǵy oıynshy «Altyn býtsany» bes ret jeńip alǵan alǵashqy fýtbolshy atandy.
2017/18 maýsymyndaǵy «Altyn býtsy» reıtınginiń úzdik ondyǵy mynadaı:
1. Lıonel Messı («Barselona») - 34 gol (68 upaı); 2. Mohamed Salah («Lıverpýl») - 32 (64); 3. Garrı Keın («Tottenhem Hotspýr») - 30 (60); 4. Robert Levandovskı («Bavarııa») - 29 (58); 5. Chıro Immobıle («Lasıo») - 29 (58); 6. Maýro Ikardı («Inter») - 29 (58); 7. Edınson Kavanı («PSJ») - 28 (56); 8. Krıshtıaný Ronaldý («Real») - 26 (52); 9. Jonas («Benfıka») - 34 (51); 10. Lýıs Sýares («Barselona») - 25 (50).