Bakýde Ázerbaıjan tarıhy ulttyq mýzeıi QR Ulttyq mýzeıimen birlesip kórme uıymdastyrdy

Kórmeniń ashylý saltanatynda eli­miz­diń Ázerbaıjan Respýb­lı­k­a­syndaǵy Tótenshe jáne ókiletti elshisi Beı­bit Isabaev: «Búgingi kórmeniń basty jádi­ge­ri – «Qazaqstandyq Týtanhamon» ata­nyp ket­ken «Altyn adam». Altyn adam Qazaq­stan­nyń tarıhı-mádenı qundy jádi­geri bolyp tabylady.

Byltyr «Altyn adam» álem mý­zeılerine sherýin bastady. Ázer­baı­jan Altyn adam taban tiregen úshin­shi el bolyp tur. Bir jarym aı boıy ázer­baıjandyqtar nazaryna usy­ny­latyn «Uly Dala murasy: zer­ger­lik óner jaýharlary» atty bul kór­me eki el arasyndaǵy mádenı baı­la­nys­qa tyń serpin bereri sózsiz. Kórmege ke­lýshiler saq dáýiriniń tereń tarıhyna boılap erekshe áser alady degen senimdemin»,  dep kórme jumysyna tabys tiledi.

О́z kezeginde Ázerbaıjan Respýb­lıkasy Mádenıet mınıstriniń orynbasary Sevda Mamedalı «Bizdi ortaq tamyr, ortaq dástúr, ortaq mádenıet jaqyndastyrady. Bul jaqyndyq bizdiń kóshbasshymyz Gaıdar Alıev pen Nursultan Nazarbaevtyń ortaq baılanysynyń nátıjesi. Dál sol baılanysty, tatý kórshilikti qazirgi prezıdentimiz Ilham Alıev myrza da jalǵap keledi», dep eki el arasyndaǵy saıası baılanystyń da myǵym ekenine toqtaldy.

Qazaqstan men Ázerbaıjan arasynda burynnan tarıhı jáne mádenı baıla­nystarǵa negizdelgen dástúrli dostyq sıpa­tyndaǵy ekijaqty qarym-qatynas qalyp­tasqan. Jyl ótken saıyn qos memleket arasyndaǵy saıası, saýda-ekono­mı­kalyq jáne mádenı-gýmanıtarlyq baı­lanys barlyq baǵyttarda jáne oń nátıjelermen damyp keledi. Ári atalmysh eki el arasyndaǵy yntymaqtastyq ózara yqpaldastyqtyń, kórshilik qarym-qatynastyń ozyq úlgisi bolyp tabylady.

«Altyn adamnyń álem mýzeılerine sherýi» halyqaralyq kórme jobasynyń negizgi maqsaty sheteldik kórermenderdi erte temir dáýirindegi Eýrazııa Uly Dala beldeýiniń mádenı murasymen tanystyrý bolyp tabylady. Kórmede Ulttyq mýzeı qorynan b.z. deıingi VII-III ǵasyrlarǵa jatatyn altyn buıymdar kolleksııasy men Esik qorǵanynan tabylǵan saq jaýyngeri tolyq kıimmen tanystyryldy.

Halyqaralyq «Altyn adamnyń álem mýzeılerine sherýi» atty joba aıasynda uıymdastyrylyp otyrǵan «Uly Dala mu­rasy: zergerlik óner jaýharlary» kór­­me­sinde tanystyrylatyn zergerlik óner týyndylary – Eýrazııanyń dala­lyq má­de­nıetiniń ózindik stıli men erek­she­lik­terin beıneleıtin áshekeı-buıymdar men bizge aty belgisiz tarıh tereńinde qal­ǵan she­ber­lerdiń qoldarynan shyqqan týyn­dy­lardyń bir bóligi ǵana.

Bıylǵy jyly «Altyn adamnyń álem mýzeılerine sherýi» Halyqaralyq kórme jobasy Shensı provınsııasy Tarıhı mýzeıinde (Sııan q. QHR), Gdansk Ulttyq mý­zeıinde (Gdansk q. Polsha) jáne Koreıa Ulttyq mýzeıinde (Seýl q. Koreıa) ótkiziledi. Al kelesi jyly atal­mysh kór­me­ni Japonııa, Grýzııa, Ulybrıtanııa, Ispanııa jáne Túrkııa mem­le­ketteriniń mýzeılerinde ótkizý jos­par­lanyp otyr.

Bakýdegi «Uly Dala murasy: zergerlik óner jaýharlary» kórmesi 2018 jyldyń 1 shildesine deıin jalǵasady.

«Egemen-aqparat»