Búkilálemdik boks serııasynda synǵa túsetin elimizdiń «Astana arlandary» komandasy jobanyń jartylaı fınalynda brıtanııalyq «Brıtısh Laınharts» komandasymen jekpe-jek ótkizip, fınalǵa joldama aldy.
Syrt alańda ótken alǵashqy kezdesýde «Arlandar» 3:2 esebimen basym túsken edi. Atyraýda ótken qarymta jekpe-jekte 4:1 jeńiske jetti. «Astana arlandary» sapynan Serik Temirjanov (60 kg), Aslanbek Shymbergenov (69 kg), Bek Nurmaǵambet (81 kg) jáne asa aýyr salmaqtaǵy Qamshybek Qońqabaev jeńiske jetti. Tek 52 kıloda judyryqtasqan Sáken Bıbosynov qarsylasy Ýıll Koýlıdan jeńilip qaldy.
Eki kezdesý qorytyndysy boıynsha jerlesterimiz 7:3 esebimen jeńiske jetip, tórtinshi ret jobanyń fınalyna joldama aldy. Endi «Astana arlandary» fınalda fransııanyń «Frans Faıtıng Rýsters» komandasyn jeńgen kýbalyq «Kýba Domadores» klýbymen kezdesedi. Eki ujym osymen úshin ret fınalda jolyqqaly otyr. Buǵan deıingi eki kezdesýde otandastarymyzdyń jeńisimen aıaqtalǵan-dy.