Qostanaı oblysynda memlekettik baǵdarlamalar sátti júzege asyp jatyr

Elimiz ekonomıkasy úshin orny bólek zań

Úkimet basshysynyń Qos­tanaı oblysyna bul saparyn óńirdegi bıznes ókilderi qut­ty saparǵa jorydy. Baqyt­jan Ábdiruly Elbasy Nur­sul­tan Nazarbaevtyń jarııa túr­de qol qoıǵan «Qazaqstan Res­pýb­lıkasynyń keıbir zańna­malyq aktilerine kásipkerlik qyz­metti retteýdi jetildirý máseleleri boıynsha ózgerister men tolyqtyrýlar engizý týraly» zań kúshine engen alǵashqy kúni Qostanaı óńirine ıgi jaq­sy­lyqty ala kelgendeı boldy. Rýdnyı qalasyndaǵy «Lı­der-2010» sút zaýytynda bolyp, óńdeý kásipornynyń zama­naýı tehnologııamen jumys istep jatqanyna kýá bolǵan B.Sa­ǵyntaev osy jerde tigilgen aq shatyrda aýylsharýashylyq ta­ýar óndirýshilerimen kezdesti. Ol bul zańnyń tarıhı mańyzy zor qujat ekenin, endi AО́K salasynda ósimniń jańa múmkindikteri ashylatynyn málimdedi. 

– Qabyldanǵan zań bıznesti retteý salasyndaǵy zańnamany yryq­tandyrýǵa baǵyttalǵan jáne ol memlekettik baqylaý fýnk­­sııalaryn shamamen 30 paıyz­ǵa qysqar­týdy kózdeıdi. 14 ko­dekske jáne 109 zańǵa engizil­gen 1000-ǵa jýyq túzetýler bız­nesti damytýǵa barynsha qolaı­ly jaǵdaı jasap, elimizde kásipkerlik qyzmetti nyǵaıtýda yntalandyrýshy shara bolady, – dedi B.Saǵyntaev. 

Jyl basynda Qazaqstan halqyna joldaǵan Joldaýynda Elbasy aldaǵy bes jyl ishinde agroónerkásip salasynda eńbek ónimdiligin keminde 2,5 ese arttyryp, eksporttyq áleýetti ulǵaıtýdy tapsyrǵan bola­tyn. Aýyl sharýashylyǵy birinshi vı­se-mınıstri Arman Evnıev osy­ǵan oraı memlekettik baǵ­darlamadaǵy on mindetti saralap aıtyp berdi. Aýyl sharýa­shy­lyǵynda kásipkerlikti damytý, shaǵyn jáne orta bıznestiń bá­se­kege qabilettiligin arttyrý, eksporttyń jańa naryqtaryna shyǵý máseleleri boıynsha «Atameken» UKP basqarma tór­aǵasy A.Myrzahmetov baıan­da­dy. Úkimet basshysy aýyl­sharýashylyq kooperatıvterin da­mytýǵa basa mańyz berý kerek­tigin tapsyrdy. Máselelerdi tal­qylaý barysynda jergilikti ag­rarshylar kásipkerlik qyz­met týraly jańa zańǵa qol­daý bildiretinderin aıtty. 

– Biz Elbasynyń tarıhı sheshimin qoldaımyz. Qa­byl­danǵan zań bizge bıznesti keńeı­týge úlken múmkindikter beredi, – dedi oblystyń qoǵamdyq keńes tór­aǵasy, «Qarqyn» JShS quryl­taıshysy S.Buqanov.

Kezdesýde aýyl sharýa­shy­ly­ǵy kásipkerleri syrttan tasy­latyn tehnıkanyń qosalqy ból­shekteri Qazaqstanda óndirilse, otandyq asyl tuqymdy mal satyp alǵan shaǵyn sharýashylyqtarǵa sýbsıdııa qarastyrylsa degen sekildi ózderi ushyrasyp otyr­ǵan kóptegen problemalar­dy da Úkimet basshysyna jet­kiz­di. B.Saǵyntaev olardyń barly­ǵyna jaýap berip, kóterilgen má­se­leler nazardan tys qalmaı­tynyn aıtty. 

Sıfrlandyrý – ýaqyt kóshinen qalmaý quraly

Premer-Mınıstr bul saparynda «Jas qanat-2006» qus fab­rıkasynda jáne elimizdegi ken alyby Sokolov-Sarybaı ken baıytý óndiristik birlestiginde, Qostanaı qalasyndaǵy ındýs­trııalyq aımaqta boldy. Úkimet basshysyna «Sıfrly Qazaqstan» baǵdarlamasy aıasynda iske asyp jatqan «aqyldy qus fabrıkasy» jáne «aqyldy kenish» joba­lary tanystyryldy. «Jas qanat-2006» JShS dırektory Qaı­rat Maıshev «Bıznestiń jol kar­tasy-2020» baǵdarlamasy aıa­synda júrgizilip jatqan jań­ǵyrtý sharalary týraly aıtyp berdi. Kásiporyn jańǵyrtýdyń úsh kezeńinen ótti. Investısııalar kólemi 3 mlrd teńgeden asady. Prosesterdi avtomattandyrý jumyrtqa óndirisin jylyna 7 mln-nan 250 mln danaǵa, ıaǵ­nı shamamen 35 esege deıin ul­ǵaı­týǵa, et óndirisin 30 tonnadan 500 tonnaǵa deıin nemese 15 esege ulǵaıtýǵa múmkindik ber­di. О́ndiriletin ónim Reseıge, Aý­ǵanstanǵa, Tájikstanǵa jáne Qyrǵyzstanǵa eksporttalady. Bıyl ónimdi Iran men Qytaıdyń jańa naryqtaryna eksporttaý bastaldy. Aldaǵy úsh jylda sı­frly tehnologııalarǵa 2 mlrd teńgege jýyq ınvestısııa salý josparlanyp otyr. 

«SSKО́B» AQ prezıdenti Be­reke Muhametqalıev Sokolov-Sarybaı ken ornynda Indýstrııa 4.0-tiń birden birneshe elementi engizilip jatqanyn atap ótti. Buǵan deıin Qashar ken ornynda iske asyrylǵan «Aqyldy ke­nish» jobasy naqty ýaqyt reji­minde ken tasymaldaý kóli­gi keshenin basqarýdyń avtomat­tan­dyrylǵan júıesin, spýtnıktik dál jaıǵastyrý jáne burǵylap qoparý jumystaryn basqarýdy qamtıdy. Sokolov-Sarybaı ken ornyndaǵy tehnologııalyq jańǵyrtý 2020 jyly aıaqtalyp, ónimdilikti 10 paıyzǵa arttyrýǵa jol ashady.

Indýstrııalyq aımaqta 119 mlrd teńgeden astam qarjyǵa 11 ınvestısııalyq joba júzege asyrylatyn bolady. Onda mashına jasaý jáne metall óńdeý, hımııa, toqyma ónerkásibi, qurylys materıaldaryn óndirý, orman jáne aǵash óńdeý ónerkásibi jáne basqa da óńdeý salalary sekildi ekonomıka sektorlarynyń kásip­oryndary ornalasady. In­dýs­trııalyq aımaqty aralaý barysynda B.Saǵyntaevqa «Sıfrly Qazaqstan» memle­kettik baǵdarlamasynyń óńirde iske asyrylýynyń aǵymdaǵy nátıjeleri jáne oryndalý pers­pektıvalary baıandaldy. О́ńirdi sıfrlandyrý oblys ákimdigi bekitken 2018 jylǵa arnalǵan jol kartasy aıasynda júzege asyrylyp jatyr, oǵan 77 is-shara kiredi. Qostanaı oblysy agrarlyq óńir bolǵandyqtan óńirde aýyl sharýashylyǵy qa­nat­qaqty rejimde sıfrlandy­rylyp jatyr. Agrarshylar qa­zirdiń ózinde geoaqparattyq júıeler, alqaptardyń elektrondy kartalaryn engizý, aýyl­­sharýashylyq tehnıkasyn qashyq­tyqtan baqylaý jáne jaıy­lymdyq jerlerde úı ja­nýar­laryn baqylaýǵa arnal­ǵan «Dron» ushqyshsyz ushý ap­pa­­rattary sııaqty zamanaýı al­dyń­ǵy qatarly álemdik tehnologııalardy paıdalana bastady. B.Saǵyntaev sıfrlandyrý ýaqyt talaby ekenin, onsyz Qazaqstan moıny ozyq otyz eldiń qataryna kire almaıtynyn aıta kelip, oblysta atqarylyp jatqan iske kóńili tolatynyn da bildirdi. 

Bitken is – bereke, problemalar sheshimin tabady

Úkimet basshysy Rýdnyı qalasynda jastarmen kezdesip, emen-jarqyn áńgimelesti. Onda Prezıdenttiń bes áleýmettik bas­tamasy aıasynda stýdentterge teńdessiz qoldaý kórsetiletini atap ótildi. Oblys ákimi Arhı­med Muhambetov óńirde bes ja­taq­hana salyp, ekeýin qaıta jóndeý josparlanyp otyrǵanyn, bul 2700 stýdenttiń turmys jaǵ­daıyn jaqsartatynyn aıtty. Qazaqstanda sıfrly tehno­lo­gııalardyń qalaı damyp jat­qandyǵy týraly áńgime barysyn­da osy kezdesýge B.Saǵyntaev ózi­men birge arnaıy alyp kelgen IT salasyndaǵy elordalyq jas sa­rapshylar aıtyp berdi. 

Premer-Mınıstrdiń ob­lys­qa sapary oblys aktıvi kez­desýmen aıaqtaldy. Oblys ákimi A.Muhambetov oblysta mem­le­kettik baǵdarlamalardyń júzege asyrylýy týraly qysqasha baıan­dap berdi. О́ńir basshysynyń aıtýynsha, aldaǵy jyldary ósim qory retinde oblysta 6000-nan astam jumys ornyn ashý jáne 1,2 trln teńgege 40 ınvestısııalyq jobany júzege asyrý kózdelgen. B.Saǵyntaev Prezıdent bastamashy, Úkimet qabyldaǵan barlyq baǵ­dar­lamalardyń óńirde sátti júr­gizilip jatqanyn atap ótti. О́ńirde «bes áleýmettik másele» boıynsha da eleýli jumys­tar júrgizilip jatyr. Ásirese turǵyn úı qurylysy jóni­nen oblys respýblıkada aldyń­ǵy qatarda. Sonymen qatar B.Sa­ǵyn­taev ákim málimdegen ózekti má­selelerdiń Úkimette qarala­tynyn aıtty. 

Názıra JÁRIMBET, «Egemen Qazaqstan»

Qostanaı oblysy