«Astana-Kókshetaý-Volodar» baǵyty boıynsha jetken júrdek elektr poıyzyn Aıyrtaý aýdanynyń turǵyndary úlken qýanyshpen qarsy aldy.
Aýdan ákimi Beıbit Ismanov jurtshylyq aldynda sóılegen sózinde jańa baǵyt Astananyń 20 jyldyq mereıtoıy qarsańynda oblys ákimi Qumar Aqsaqalovtyń, Investısııalar jáne damý mınıstrligi Kólik komıtetiniń qoldaýymen ashylǵanyn jetkizdi.
Bul– elorda men aýdandy tikeleı jalǵastyratyn alǵashqy elektr poıyzy. О́ńirde Shalqar, Imantaý sekildi tamasha demalys oryndary, Qarasaı jáne Aǵyntaı batyrlardyń memorıaldyq kesheni, Aıǵanym qonysy, Shoqannyń mýzeıi ornalasqan. Demek ishki týrızmdi nyǵaıtýdaǵy mańyzdy qadam bolary sózsiz, dedi ol.
«Volodar» stansasynyń basshysy Almas Kenjekeevtiń aıtýynsha, Pavlodar, Qostanaı, Qaraǵandy jaqtarǵa baratyn poıyzdar stansa beketin basyp ótedi. Al elektr poıyzy aptasyna eki ret qatynaıdy. Júrginshiler kóbeıgen jaǵdaıda 376 oryndy 6 vagonnyń sany arttyrylatyn bolady. Eki aralyqty 5 saǵat 35 mınýtta júrip ótedi. Bılet quny 1504-1943 teńge aralyǵynda. Vagondar óte jaıly, kondısıoner, jumsaq oryndyqtar, beınebaqylaý qoıylǵan.
– Men Saýmalkólde turamyn. Kókshetaýǵa jetý úshin taksıge 2 myń teńge tóleıtinmin. Endi elektr poıyzben jetsem, baǵasy bar-joǵy 700 teńge ǵana, – deıdi alǵashqy jolaýshylardyń biri Ilıa Lazorkın.
О́mir ESQALI,
«Egemen Qazaqstan»
Soltústik Qazaqstan oblysy,
Aıyrtaý aýdany