Ulttyq valıýtalarmen eseptesý tıimdi

Elbasy óz usynysyn ári qaraı múshe memleketterdiń ortalyq bank­te­riniń basshylary talqylap, or­taq she­­shimge kelý týraly aıtqan edi. 

Búginde elimizdiń syrt­qy saıasa­ty­nyń basym ba­ǵyt­tary­nyń biri bolyp sanala­tyn ShYU-ǵa múshe­lik ózge mem­leketter­men qa­­rym-qa­tynas­tar­dyń bar­lyq salalary boıyn­sha óńir­lik ózara is-qımyl­dar­d­yń ma­ńyzdy tetigine aınalyp otyr. 

Osy máselege baılanys­ty Ulttyq bank tóraǵasy Danııar Aqyshevtiń pikirin bildik.

Ol ShYU-ǵa múshe memleketter úshin ekonomıkalyq yntymaqtastyqty damytý­dyń mańyzdylyǵy kúnnen-kúnge artyp kele jatqanyn atap ótti. 

– Saýda-sattyq ynty­maq­­­tas­tyqta ulttyq valıýta­lar­­­dy qoldanýdy biz bir­neshe márte EAEO aıasynda tal­qyladyq, ShYU-ǵa múshe mem­leketterdiń saýda-sat­tyq qaty­nastar­dy dollarsyz­dan­dyrý bas­tamasyna qyzyǵý­shy­lyq­tary arta túsýde, – deıdi D.Aqyshev. 

Ulttyq bank basshysy ShYU-ǵa múshe mem­le­­ket­ter­diń 2020 jyl­ǵa de­ıin kópjaq­ty saý­da-ekonomıkalyq yn­ty­maq­­tastyq baǵdar­la­masy aıasynda jahandyq qar­jy-ekonomıkalyq daǵ­darys­tyń saldaryn eńserý bo­ıynsha ShYU-ǵa múshe mem­leketterdiń ulttyq deń­geıde qabyldaıtyn daǵ­darysqa qarsy sharalar iske asyrylyp jatqanyn, damýshy naryqtary bar elderdiń álemdik naryq kapıtalyna qoljetimdiligi talaptary, sondaı-aq ShYU-ǵa múshe memleketter arasynda esep aıyrysý kezinde ulttyq valıýtany qoldanýdy keńeı­tý múm­kindigi talqylaný ús­tinde ekenin atap ótti. 

– Ulttyq valıýtamen óz­­ara esep aıyrysýǵa ótý uıym­­ǵa qa­ty­sýshy el­der eko­­­no­­mı­ka­sy­nyń qaýip­­siz­­digi tur­ǵysynan alǵan­da sózsiz tıimdi ári mańyz­dy. Ortalyq bankter ju­my­syn osy baǵytta, onyń ishin­de tıisti jol kartala­ryn ázirleý arqyly jal­ǵas­ty­­ra­t­yn bolady, – dep só­zin tú­ıindedi Ulttyq bank basshysy.

Serik ÁBDIBEK,

«Egemen Qazaqstan»