Elbasy Nursultan Ábishuly Nazarbaev qashanda ult rýhanııatynyń altyn uıasy – ońtústikke aıryqsha kóńil bólip keledi. О́ńir halqy da Memleket basshysynyń salıqaly saıasatyn qoldap, árbir ıgi bastamasynyń júzege asyrylyp kele jatqanyna kýá bolýda.
Jýyrda Shymkent qalasy turǵyndarynyń mıllıonǵa jetýine baılanysty jergilikti ákimdik pen máslıhat respýblıkalyq mańyzy bar qala mártebesine qatysty birlesken sheshimge qol qoıǵan bolatyn. Sondaı-aq oblys ortalyǵyn Túrkistan qalasy etý jónindegi usynys ta jasaldy.
Árıne, bul izgi qadamdardyń barlyǵy jan-jaqty saralanyp, barlyq másele eseptelip-eskerilip jasalyp otyr. О́ńirdegi demografııalyq ósimdi, áleýmettik-ekonomıkalyq damý deńgeıin saraptaǵan Elbasy Shymkenttiń megapolıs atanatynyn osydan 3-4 jyl buryn aıtqan bolatyn. Endi mine Uly túrki babalarymyzdyń túpqazyǵy sanalatyn qasıetti ólkeni – Túrkistan oblysy dep ataý jónindegi Elbasynyń kóregen sheshimi óńir halqyn qýantyp otyr. «Túrkistan» ataýy Uly Dalanyń dáýiri men daýysyn búginge jetkizip tur.
Túrkistan – rýhty jigerlendirip, Alashty arqalandyryp, taǵdyrly kezeńderde qazaq deıtin halyqty saqtap, berekesin arttyra bilgen, handar men bılerdiń, batyrlardyń máńgilik mekenine aınalǵan qasıetti jer. Túrkistannyń oblys ortalyǵy retinde damý múmkindigi mol ekenin senimmen aıta alamyn. Onyń damý áleýetiniń joǵary ekendigine ilgeride osy qala ákiminiń orynbasary qyzmetin atqaryp júrgende kóz jetkizgen bolatynmyn. Túrkistannyń 1500 jyldyq mereıtoıynda shtab basshysy retinde de qalanyń ósip-órkendeýine óz úlesimdi qostym. Týrızm salasy boıynsha da qalanyń áleýeti mol jáne oblys ortalyǵy retinde álemdik arenada elimizdiń bedelin, mártebesin kóteretinine senimdimin.
Túrkistanǵa, oblystyń ataýyna qatysty Elbasy, Nursultan Nazarbaev taǵdyrly jáne taǵylymdy sheshim qabyldady.
Serikbaı IBADÝLLAEV,
oblystyq máslıhattyń
depýtaty, «Qurmet» ordeniniń ıegeri
ShYMKENT