Oblystaǵy jumys saparlaryn Meıram Pishembaev, Albert Raý, Aleksandr Sýslov, Aıgúl Nurkına, Aızada Qurmanova, Anar Jaıylǵanovalar birqatar óndiris oryndaryn aralaýdan bastady.
«Promresýrs-kz» JShS qubyr shyǵaratyn zaýytta bolyp, óndiris barysymen tanysty. Depýtat Meıram Pishembaev zaýyt jumysshylarymen kezdesý barysynda qazirgi kezde mashına jasaý óndirisin qoldaý jospary ázirlenip jatqanyn aıtyp berdi. Sonymen birge, depýtattar «Eko Prom» JShS, «Rıtam-Pavlodar» JShS jáne «Agromır» JShS kásiporyndaryna bardy. Mysaly, «Agromır» JShS ımportty almastyrý isine úles qosýda.
– Bul kásiporynda shyǵarylatyn ónim avtomobıl, munaı-hımııa, taý-ken óndiristerinde suranysqa ıe. Shetelden ákelinetin ónim kólemin azaıtatyn mundaı kásiporyndar bar ekendigi qýantady,-dedi M. Pishembaev.
Osy kúni depýtattar S. Toraıǵyrova atyndaǵy memlkettik ýnıversıtette bolyp, stýdentter men professorlyq-oqytýshylyq quramymen kezdesti. Sıfrlandyrý baǵytynda jumys jasaıtyn №122 balalar baqsha-gımnazııasynyń jumysymen tanysty.
Sonymen birge májilismender oblys ortalyǵyndaǵy «BB NURA» nefrologııa men efferenttik terapııasy medısınalyq ortalyǵy men №2 emhananyń qyzmetimen tanysty. Ortalyq men emhana memlekettik-jeke menshik áriptestik aıasynda qyzmet etýde.
Farıda BYQAI, «Egemen Qazaqstan»
PAVLODAR Sýretti túsirgen: Aıbek Jumatov