Ortalyq kommýnıkasııalar qyzmetinde Qoǵamdyq densaýlyq saqtaý ulttyq ortalyǵy dırektorynyń orynbasary, Salamatty ómir saltyn qalyptastyrý ortalyǵynyń basshysy Jámılá Battaqova tamaqtaný mádenıetin ózgertýge qatysty usynystardyń ǵylymı negizdemesin qalyptastyryp, adam ómiri men is-áreketiniń, aýrýdyń aldyn alý sharalary men densaýlyqty nyǵaıtý baǵytynda jumys atqaryp jatqandyqtaryn jetkizdi.
Aımaqtardaǵy túrli qyzmetterdiń is-qımylyn retteý úshin Densaýlyq saqtaý mınıstrligi «Saý qala» jobasyn ázirlegenin aıtty.
«Bul ómir súrýdiń qaýipsiz jaǵdaılary men medısınalyq qyzmettiń qoljetimdiligin, dene belsendiligi men sportpen aınalysý úshin jaǵdaı jasaý, aýa men sýdy lastaýdy azaıtý sharalarymen qamtamasyz etedi. Ár aımaqtyń saý ýnıversıtet pen mektep, aýrýhana, saý taǵamdar men jumys oryndarynyń kómegimen adam densaýlyǵy úshin jaǵdaı jasaý jáne onyń jolyndaǵy kedergiler men ózekti máselelerdi anyqtaý óte mańyzdy. Bizdiń maqsatymyz – jergilikti organdarǵa barynsha kómek kórsetý. Ulttyq jeli qurý maqsatynda «Qazaqstannyń saý qalalary» brendin tanytyp, ony júzege asyrý joldaryn adamdarǵa jetkizgimiz keledi. Mysaly, kólikterdi azaıtý esebinen jaıaý júrginshi jolyn, velojoldardy kóbeıtý qorshaǵan ortanyń lastanýyn báseńdetedi», dedi ol.
Raýan QAIDAR,
«Egemen Qazaqstan»