QR Bilim jáne ǵylym vıse-mınıstri Ashat Aımaǵambetovtiń mektepterdi akkredıtteý jáne mektep dırektorlaryn taǵaıyndaý týraly ózgeristerdi Súleımen Demırel ýnıversıtetinde ótken tamyz keńesinde aıtty.
Vıse-mınıstrdiń aıtýynsha, mınıstrlik «Daryn» respýblıkalyq ǵylymı-tájirıbelik ortalyǵy úshin mindetter tizimin keńeıtedi. Endi onda tek baıqaý jáne olımpıadalar ótkizýmen qatar, daryndy balalardyń arnaıy mektepteriniń jumysy da úılestiriledi.
«Biz mektep dırektorlaryn taǵaıyndaý erejelerine ózgeris engizdik. Endi bilim basqarmalary men bólimderi mektepterdiń dırektorlaryn derbes taǵaıyndaı almaıdy, olar «Daryn» ortalyǵymen ortaq kelisimge kelýge mindetti. Innovasııalyq-bilim berý lıseılerinde ózine tán qundylyqtary bar. Bilim basqarmalaryndaǵy áriptesterimiz kadrlyq máselelerdi ózdiginen sheshpek bolǵan, al lıseılerdiń ózderi basqa pikirde. Biz de jańa erejeler arqyly osy máseleni sheshemiz. «KATEV» halyqaralyq qoǵamdyq qory ınnovasııalyq-bilim berý lıseıleriniń jumysyn úılestirip otyrǵandyqtan, dırektorlardy taǵaıyndaý máselesinde óz pikirin bildirýi qajet. Basqa mektepter boıynsha da dál solaı, bul rette «Daryn» ortalyǵymen keńesý qajet», dedi Ashat Aımaǵambetov.
Qazaqstanda búgingi tańda daryndy balalarǵa arnalǵan 131 mamandandyrylǵan mektep bar. Mınıstrlik olardyń barlyǵyna halyqaralyq akkredıtteýden ótýdi usynyp otyr.