Qurban aıt merekesiniń alǵashqy kúni Astanadaǵy «Áziret Sultan» meshitine kelgen Qazaqstan Prezıdenti Nursultan Nazarbaev qazaqstandyqtardy musylmandardyń búgingi ulyq merekesimen quttyqtady.
«Qurmetti otandastarym! Barshalaryńyzdy búgingi musylmandardyń ulyq merekesi - Qurban aıt kúnimen quttyqtaımyn. Meniń Jarlyǵymmen bul kún búkil musylmandarǵa, halqymyzǵa, Qazaqstanǵa jumystan elder bosatylyp, osy namazyn, paryzyn oryndasyn dep, meıram dep jarııalanǵan. Osy aılardyń ishinde halqymyz namaz oqyp, qulshylyq jasap, Alladan tilek tiledi. «Qurban» degen sóz - Allaǵa jaqyndaý degen sóz. Qolynan keletin azamattar qurban shalyp, tilegin tilep jatyr. Bul - Allanyń kórsetken joly, Paıǵambardyń izi. Árqaısyńyz eldiń tynyshtyǵyn, bala-shaǵanyń amanshylyǵyn bolashaqta oılap, namaz oqyp, tileý tilegen shyǵarsyzdar. Sol tilektiń barlyǵy elimizde oryndalsyn», - dedi Prezıdent quttyqtaýynda.