Qazaqstan Respýblıkasy Bilim jáne ǵylym mınıstrliginiń nusqaýlyǵyna sáıkes Aqtaý qalasy IIB-nyń qyzmetkerleri «Meniń tańdaýym – balalarǵa kómek!» uranymen «Mektepke jol» qaıyrymdylyq aksııasyn ótkizdi.
Aksııanyń maqsaty az qamtylǵan jáne kóp balaly otbasylar, jetim balalar men ata-anasynyń qamqorlyǵynsyz qalǵan balalar qatarynan oqýshylarǵa jańa oqý jylyna daıyndyq kezeńinde jáne áleýmettik sebepter boıynsha balalardyń mektepke barmaýyn aldyn alý úshin kómek kórsetý bolyp tabylady.
Atalǵan aksııanyń áleýmettik jáne qoǵamdyq mańyzdylyǵyn eskere otyryp, kómekke muqtaj az qamtylǵan jáne kóp balaly balalarǵa, anasynyń qamqorlyǵynsyz qalǵan Aqtaý qalasy IIB-nyń qyzmetkerleriniń jáne erikti jaldamaly qyzmetkerlerdiń, sonymen qatar, Aqtaýdaǵy kóp balaly otbasylar men jetim balalaryna kómek kórsetildi.
Aksııa aıasynda basqarma bastyǵy polısııa polkovnıgi A.Halmuradov Aqtaý qalalyq ishki ister basqarmasy atynan ujym bolyp balalarǵa tilekterin aıtyp, oqýda sáttilik tilep, aldaǵy ýaqytta da osyndaı muqtaj balalardy esepke alyp únemi kómektesip otyrýǵa daıyn ekendikterin aıtyp, balalarǵa arnaıy daıyndalǵan oqýǵa qajetti sómkege salynǵan qural-saımandary jáne kıim-keshek dúkeninen mektep formalaryn, sporttyq kıimderin, aıaq-kıim tabystady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy