Qyrǵyzstanda ótip jatqan Túrki tildes memleketteri yntymaqtastyq keńesiniń VI sammıtin ashqan Elbasy Nursultan Nazarbaev uıymnyń aıasy keńeıip, mańyzy artqanyn málimdedi.
«Túrkitildes elderi yntymaqtastyq keńesiniń kópten kútken sammıtinde sizdermen kezdesip otyrǵanyma óte qýanyshtymyn. Eń aldymen qyrǵyz eliniń jaýhary - Ystyq kóldiń jaǵasynda qonaqjaı kóńilmen qarsy alǵan qyrǵyz eli men onyń prezıdenti Sooronbaı Jeenbekovke aıryqsha alǵysymyzdy bildiremiz», dedi Elbasy. Sonymen qatar N.Nazarbaev jıynǵa qatysyp otyrǵan О́zbekstan Prezıdenti Shafkat Mırzeev pen arǵy babalary túrki tektes Majarstannyń Premer-mınıstri Vıktor Orbannyń qatysýyn erekshe atap ótti.
«Qadirli qonaqtardyń búgingi basqosýǵa kelýi Túrki keńesiniń aıasy keńeıip, mańyzy artqanyn kórsetedi. Sammıtte qol jetkizgen ýaǵdalastyq pen saıası sheshimderdiń arqasynda ózara yntymaqtastyǵymyz ben baýyrlastyq baılanystarymyz odan ári arta túsetinine senimdimin», dedi Elbasy.
Sóz sońynda Memleket basshysy Túrki tildes memleketteri yntymaqtastyq keńesiniń tóraǵalyǵyn Qyrǵyzstanǵa tapsyrdy. «Túrkitildes memleketter yntymaqtastyq keńesiniń tóraǵasy mártebesin shańyraq ıesi Qyrǵyz Respýblıkasynyń Prezıdenti Sooronbaı Jeenbekov tabystaı otyryp, oǵan uıym jumysy barysynda mol tabys tileımin», dedi N.Nazarbaev.
Abaı ASANKELDIULY,
"Egemen Qazaqstan"