Shyńǵys shyǵarmalarymen kómkerilgen kesh

Atalǵan is-sharaǵa Shyńǵys Aıt­matovtyń uly, «Ystyqkól» fo­rý­mynyń prezıdenti Asqar Aıt­matov, Nazarbaev Ýnıver­sıtet­­tiń prezıdenti Shıgeo Katsý, Qyrǵyz ulttyq akademııasy Sh.Aıt­­ma­tov atyndaǵy Til jáne ádebıet ıns­­tıtýtynyń dırekto­­ry, akade­mık Abdyldajan Aqma­ta­lıev, Túr­kııanyń Ardahan ýnıver­sı­te­tiniń professory, ǵalym Orhan Soılemez, belgi­li rejısser, halyq ártisi Tal­ǵat Temenov jáne ózge de qalam­ger­ler, ǵalymdar, joǵary oqý oryn­darynyń oqytýshy-pro­fes­sor­lary jáne mektep basshylary, muǵa­limder men stýdentter qatysty.

Ádebı keshtiń alǵashqy sózin Shıgeo Katsý myrza bastap, kelgen qonaqtarǵa alǵys aıtty. Ol Aıtmatov shyǵarmalaryn ýnıversıtet jastarynyń súıip oqıtynyn jetkizse, Talǵat Temenov Shyńǵys shyǵarmalarynyń qundylyǵyna toqtaldy. Rejısser «Men adam­zat­tyń Aıtmatovynyń biraz shyǵar­malaryna rejısserlik etkenim úshin de ózimdi baqytty sanaımyn» degen aqjarma tilegin aıtty.

Kesh barysynda Qalıbek Qýa­nysh­baev atyndaǵy  qazaq teatry­nyń jas ártisteri men Na­zar­ba­ev Ýnıversıtettiń stýdent­teri Shyń­ǵys Aıtmatovtyń shy­ǵar­­ma­la­rynan sahnalanǵan kóri­nister qoıdy. «Ana – Jer Ana», «Shynarym meniń, shyraı­lym me­niń», «Já­mıla» shyǵarma­la­rynan kórse­tilgen úzindiler óte áserli shyqty. Sonymen birge stýdentter qalam­ger týyndylarynan aǵyl­shyn tilin­de úzindiler oqyp, kelgen qo­na­q­tarǵa tamasha kóńil kúı syılady.

Osyndaı áserli sátterden soń Asqar Shyńǵysulyna sóz berildi. Áńgimesin alǵys aıtýdan bastaǵan A.Aıtmatov qazaq halqynyń ákesine degen yqylasy men qurmetiniń erekshe ekenin tilge tıek etti. «Men úshin búgingi kezdesýdiń orny bólek, Shyńǵys shyǵarmalary qaı ýaqyttyń da jastarynyń jan dúnıesine óz áserin qaldyrary sózsiz. Búgingi kesh te sonyń bir aıǵaǵyndaı» dedi.

Sonymen birge Orhan Soılemez, Abdyldajan Aqmatalıev, Nazar­baev Ýnıversıtettiń professory, Rýhanı jańǵyrý mádenı orta­ly­ǵynyń dırektory Gúltas Sa­ıyn­qyzy qalamgerdiń adam jany­nyń aınasyndaı aıryqsha shyǵar­ma­lary jaıly oılarymen bólisti.

Ularbek NURǴALYMULY,

«Egemen Qazaqstan»