Bollıvýdtyń jaryq juldyzdarynyń biri, áýletimen ómirlerin ónerge arnaǵan úndi aktrısasy Ranı Mýkerdjı Qazaqstan halqyna beıne-sálem joldady. О́ıtkeni dál osy kúnderi elimizde «Men – oqytýshymyn» fılmi prokatqa shyǵady. Al Ranı Mýkerdjı atalmysh kartınada basty róldi somdaıdy.
Filmfare Awards júldesin áıelder rólinde jeti ret qatarynan jeńip alǵan tanymal aktrısanyń sońǵy statýetkasy «Djessıkany eshkim de óltirgen joq» fılmi arqyly kelgen.
Talaı tanymal rólderi arqyly shyǵarmashylyq talany janǵan aktrısa úsh jyl qatarynan «Bollıvýdtyń úzdik aktrısalary» ondyǵyn bastaǵan. Sol sııaqty Filmfare jýrnalynyń «Bollıvýdtyń on uly esimi» jobasynan óziniń oıyp turyp ornyn alǵan ol osy ýaqytqa deıin 50-den astam fılmge túsip úlgergen.
Qysqasy barynsha tanymal Bollıvýd juldyzy birinshi ret baǵyn qazaq kartınasynda synap otyr.
Aıtqandaı, Ranı Mýkerdjı kınematogafıster áýletine shyqqan rejısser Adıtıa Chopranyń jubaıy. Ekeýiniń Adıra esimdi 3 jastaǵy qyzdary bar.
«Men – oqytýshymyn» kartınasy Týretta sındromyna (óreskel qımyl, bettiń bulshyq etteriniń qısańdaýy, aıǵaıǵa baqylaý jasaıtyn júıke júıesiniń buzylýy) shaldyqqan ustazdyń ómirinen syr shertedi.
Muǵalim bolýdy armandaıtyn Nenanyń derti kerisinshe ony adamdardan alshaqtatyp, kisikıik taǵdyr kún keshtirýi tıis edi. Alaıda kóksegen maqsatqa degen qushtarlyq bul aýrýdyń kesirinen de kúshti bolyp shyǵady.
Dertti jeńip, jurttyń aldyna shyǵyp dáris berý úshin jáne óziniń bolmysynan ustaz bolýǵa jaratylǵanyn dáleldeý úshin Nena qandaı shyrǵalańdardy basynan keshpedi deısiz?!
Sonymen jazmyshtyń degenine kóne salmaı, taǵdyr tálkegin jeńý jolyna túsken Nena rólindegi Ranı Mýkerdjıdiń otandastarymyzǵa joldaǵan sálemdemesi tómendegideı: «Sálem, Qazaqstan! Men 20 qyrkúıekte «Men – oqytýshymyn» fılminiń Qazaqstanda úlken ekranǵa joldama alatynyna bek qýanyshtymyn. Bul kartına sizderge unaıdy dep úmittenemin!».
Aınash ESALI,
«Egemen Qazaqstan».
ALMATY