«QazAgroQarjy» qoldaǵan jobalar

О́ńirde aýyl sharýashylyǵyn damytýdyń múmkindigi mol. Alaıda, qazir qaı sharýa­nyń da júzege asýy qarjyǵa tireletini belgili. Ásirese, aýyl sharýashylyǵynda nesıe alý kim kóringenniń qolynan kele bermeıdi. Osyndaı ózekti máseleni sheshýde «QazAgro­Qarjy» aksıonerlik qoǵamynyń alatyn orny bólek. Bul kompanııa bizdiń óńirde de birqatar tıimdiligi joǵary jobalardy jú­zege asyrýǵa qoldaý kórsetip keledi. Sonyń biri de biregeıi – «AIS» jaýapkershiligi shekteýli seriktestiginiń taýarly-sút fer­ma­sy. Shyny kerek, Keńes odaǵynyń kezinde sútke turatyn turǵyndardyń kezeginiń qan­sha­lyqty bolatynyn kózi kórgender bilmese, keıingi urpaqtar umytqany daýsyz. Bi­raq ta sút ónimderine degen suranys ázirge syrttan keletin ónimdermen qamtamasyz etilip jatqany sózsiz. Desek te, bul má­se­leni sheshýge jańa qadam jasalýda. Buǵan bizdiń jer asty qazba baılyqtarymyzǵa qy­zyqqan sheteldik kompanııalar emes, otan­dyq «QazAgroQarjy» aksıonerlik qoǵamy qyzyǵýshylyq tanytyp otyrǵany qýanta­dy. «AIS» jaýapkershiligi shekteýli serik­tes­tiginiń taýarly-sút fermasyna 1100 sa­ýyn sıyr ustaýyna kómek kórsetken de osy aksıonerlik qoǵam. Bul jobanyń quny 3 mlrd. teńgege jýyq qarjy turady. Taýar­ly, sút fermasy batystyń ozyq tehnolo­gııa­sy­men jabdyqtalǵan. Munda jaqsy jaraqtan­dyrylǵan eki saýyn sıyr, eki buzaý qora­la­ry jáne sapaly sút óndeýge qajetti jab­dyqtardyń bári bar. Taýarly-sút ferma­sy­na alǵashqy kezekte Vengrııadan ónimdiligi joǵary 198 qashar ákelindi, odan keıin ekinshi jáne úshinshi toppen 850 qashar jetkizildi. Qazir bul qasharlar alǵashqy tólderin berýde. Fermada zooteh­nıkalyq, maldári­ger­lik talaptar qatań saq­talady. Fermada ustalatyn maldyń azyq­taný mólsherin tá­jirıbesi de, ǵylymı izdenisi de mol sheteldik ǵalymnyń keńesimen júzege asyrylady. Sıyrlardy saýý avto­mat­tan­dyrylǵan jú­ıe­men júzege asyry­lady. Ár saýyn sıyr­dyń qansha, qashan sút bergeni kompıýterlik júıemen qadaǵalanyp otyrady. Qazir qa­shar­lardyń árqaısynan kúnine 23 lıtrden sút saýylady. Budan da kóp sút beretin sıyrlar bar. Taýarly-sút fermasyn­daǵy ár qashar jylyna 4-4,5 myń lıtr bergenimen, bolashaqta ónimdiligin kóbeıte­ti­ni­ne sóz joq. Olardy seriktes­tiktiń mal ma­man­dary arnaıy nazarda ustaıdy. Taýarly-sút keshenindegi jumys­tardyń barlyǵy av­to­mattan­dyrylǵan. Sút fermasyndaǵy saýyn sıyr­lardyń qysqy kezeńde azyq­ta­nýy úshin 3000 tonna súrlem, 4000 tonna pishendeme daıyndalyp alyn­ǵan. Jemdik as­tyq tolty­rylýy da oılasty­rylǵan. Buǵan qosymsha jergilikti sharýa qojalyqtarynan satyp alynǵan pishen de bar. Ferma qysty jaqsy ótkizýde. Alynǵan buzaýlar arnaıy torlarda ustalyp, kezeń-kezeńimen baǵylý­da. Seriktestik alynǵan tólderdiń taıyn­sha­laryn semirtý alańyn salýdy da oı­lastyrýda. Qaldyqsyz tehnologııamen ju­mys isteıtin sharýashylyqtar sırek. Bul seriktestik bolsa, bolashaqta maldyń súti men qıyna deıin kádege jaratýdy josparlaýda. Seriktestik aldaǵy kezde sýarmaly jerlerge mal azy­ǵyndyq daqyldardy ósirýdi josparlap otyr. Taýar­ly-sút fermasy mal azyǵyn sýar­maly jerge ornalastyrýdyń da múm­kin­digin qaras­tyrýda. О́ńirdegi ekinshi bir órkendi jobany júzege asyrǵan «Parıj Kommýnasy» JShS dırektory Gaık Terterıan «QazAgroQarjy» aksıonerlik qoǵamynan 2 mıllıard teńgege jýyq nesıe alýǵa qol jetkizipti. Keshen qurylysyn salýǵa Bestamaqtaǵy burynǵy qus fabrıkasy turǵan jer bólingen. Aldy­men 40 myń shoshqa baǵylatyn mal sharýa­shylyǵy kesheni qurylysynyń jobasy ja­saldy. «RIS» transulttyq kompanııasynan alǵashqyda 1400 megejin ákelingen, qazir oǵan ózderiniń 1800 megejinin qosqan. Jal­py jylyna 40 myń shoshqa ustalady. Bas­tapqyda jylyna 2,5 myń tonna shoshqa etin óndiretin kásiporyn bıyl ony 3,5 myń tonnaǵa jetkizdi. Osynshama shoshqa etiniń 90 paıyzy Reseıge ótkiziledi. О́nimdi ózderi kelip alyp ketedi, suranys óte joǵary. Keshen quramynda aýysymyna 150 shoshqa soıý sehy, saǵatyna 10 tonna qurama jem tar­tatyn seh, maldárigerlik zerthana jumys isteıdi. Jalpy mundaǵy soıý sehy elimizdegi biregeı kásiporyn bolyp tabylady. – Jalpy elimizde kásipkerlikti damy­tý­ǵa barlyq qolaıly jaǵdaı jasalǵan. Ákim­dik te, «QazAgroQarjy» aksıonerlik qoǵa­my da sharýanyń júrýine múddelilik tany­typ, eldik másele retinde qarady. Ekono­mıkamyzdyń ilgerileýine osyndaı qoldaýdy seziný jańa bıikterge umtyldyratyny sózsiz, – deıdi «Parıj Kommýnasy» JShS dırektory Gaık Terterıan. Buǵan deıin jemdik azyqty satyp alyp kelgen seriktestik 6 myń gektar jer jyr­typ, aldaǵy jyly astyq ósirýge ázirlep qoıdy. Aldaǵy ýaqytta sorgo ósirýdi qolǵa almaqshy. Seriktestikte 250-deı adam eńbek etedi, mal sharýashylyǵy kesheninde 80-ge jýyq adam jumys isteıdi. Jumysshy­lar­dyń barlyǵy jergilikti turǵyndar, olardy Aqtóbe, Alǵa qalalarynan jáne Tamdy, Bestamaq kentterinen 5-6 avtobýspen ta­sy­maldap jetkizedi. Seriktestik aldaǵy jyl­dan bastap «QazAgroQarjydan» alǵan nesıesin qaıtara bastaıdy. – Budan basqa «Izet Greenhous» jyly­jaıyna jáne basqa jobalarǵa qoldaý kór­set­tik. Bul jumys alda da jalǵasyn taba­dy. Biz aýyldy damytýǵa qoldaý kórsetýde ózara tıimdilikke qol jetkizip kelemiz. Aksıonerlik qoǵam usynatyn qyzmetterdiń sha­rýa­shy­lyǵyn júrgizýge talapty adam­dar­ǵa qolaıly ekeni sózsiz. Qazir bizben árip­­tes bolýǵa yntaly aýyl sharýashy­ly­ǵ­y qu­rylymdary kóbeıdi, – deıdi «Qaz­Agro­Qarjy» AQ Aqtóbe ob­lys­tyq fılıa­lynyń dırektory Qorǵan Nurtazın. Shyny kerek, bul kompanııa el da­mý­y­nyń qarqynyna ekpin qosyp keledi, atyna zaty saı degendi osyndaıda aıtsa kerek. Satybaldy SÁÝIRBAI. Aqtóbe oblysy.