Aqtaý qalasynyń 55 jyldyq merekesine oraı oblys ákimi Eraly Toǵjanovtyń qatysýymen QR Prezıdenti N.Á.Nazarbaevtyń júldesi úshin VI Halyq sporty oıyndarynyń ashylý rásimi ótti, dep habarlaıdy Mańǵystaý oblysynyń baspasóz qyzmeti.
Sporttyq saıystardyń basty maqsaty - Memleket basshysynyń halyqqa arnaǵan Joldaýyna sáıkes elimizdegi buqaralyq sportty damytyp, salaýatty ómir saltyn nasıhattaý. Bizdiń aldymyzda bıik maqsattar men josparlar tur. Ár túrli deńgeıdegi komandalardyń kásibı deńgeıin kóterý maqsatynda sporttyq uıymdardy kóbeıtý, oblystyń qurama komandalarynyń ázirlikterin qalyptastyrý. Sonymen qosa, sport seksııalary men aýla klýbtaryn kúsheıtýdi jalǵastyramyz, - dedi oblys ákimi Eraly Toǵjanov.
Halyq sporty oıyndaryna Respýblıkamyzdyń barlyq óńirlerinen 2 myńǵa jýyq sportshylar qatysýda. Halyqtyq sport oıyndary 1998 jyldan beri ótkizilip keledi. Alǵash ret Astana qalasynda ótkizilgen bolatyn. 4 jylda bir ret ótetin keshendi dodada kásipqoı sportshylar emes, salaýatty ómir saltyn serik etkender óner kórsetedi. Sportshylar voleıbol, strıtbol, shaǵyn fýtbol, jaǵajaı voleıboly, ústel tennısi, qazaq kúresi, gir tasyn kóterý, qol kúresi, toǵyzqumalaq, asyq atý, prezıdenttik kópsaıys, strıt vorkaýt, sporttyq baǵdarlaý syndy sporttyq saıystardyń 13 túrinen baq synasady.