Jastarǵa jańashyldyq jarasady

Keshe Astanada respýblıkalyq «Báıgege baryńdy sal, jas qalam!» jas jýrnalıster men karıkatýrashylar baıqaýynyń jeńimpazy men júldegerlerin marapattaý rásimi ótti. Bul baıqaý bıylǵy jyldyń 9 maýsymy kúni el Táýelsizdiginiń 20 jyldyǵyna oraı «Nur Astana» res­­pýblıkalyq jastar aptalyǵy men Astana qalasynyń jastar saıa­satyn qoldaý memlekettik qorymen jáne «Elorda jastary» qoǵamdyq qo­ry­men birlesip jarııalanǵan bo­latyn. Onyń maqsaty – jas jýrnalıster men jas sýretshiler arasyn­da shy­ǵarmashylyq belsendilikti art­tyrý, olardyń úzdik ıdeıalaryn iske asyrýǵa yqpal etip, shyǵar­ma­shylyq básekelestikti kúsheıtýge at­salysý, sondaı-aq sońǵy kezderi kenjelep qalǵan karıkatýra, ocherk, pamflet pen feleton janrlaryn damytý. Sóıtip, jarty jyldan beri eli­mizdiń túkpir-túkpirinen «Nur Astana» gazetiniń redaksııasyna túrli janr­da kelip túsken 60-qa tarta ma­­­qala men 20-ǵa tarta karıka­tý­ra­nyń ara­synda myna jas talaptylar je­ńim­paz ben júldegerler atandy. Birinshi oryndy «Alash aınasy» gaze­tiniń tilshisi Márııam Ábsattar je­ńip al­dy. Ekinshi orynǵa Jambyl ob­lys­tyq «Ar-Aı» jastar gazetiniń tilshisi Qamar Qarasaı men Semeı memlekettik pedagogıka ınstıtýty Beıneleý óneri jáne syzý fakýl­te­tiniń stýdenti Janna Júnisova ıe boldy. Bul jerde jas sýretshi qazylar alqasynyń múshesi bolǵan árip­tesi­miz, belgili sýretshi, Aıdarbek Ǵa­zızdiń qolynan dıplom alǵanyn aıta ketken jón. Úshinshi oryn Ál-Farabı atyn­­daǵy Qazaq ulttyq ýnıversıteti jýrnalıstıka fakýl­tetiniń stýdentteri Mahabbat Jaı­ylhan men Móldir Dar­­­hanbaevaǵa jáne Qaraǵandy ob­lys­­­­tyq «LımoNad» jastar jýrna­l­y­nyń redak­to­ry Dýlat Amanjolǵa berildi. Al Oral qalasynyń S.Seıfýllın atyndaǵy daryndy balalarǵa arnalǵan №11 mekteptiń oqýshysy Alpamys Faızolla, Almaty obly­sy, Jambyl aýdany, Uzynaǵash aýy­lyn­daǵy orta mektep oqýshysy Nur­gúl Qurmanbek pen Almaty qa­lasy, A.Qarsaqbaev atyndaǵy №41 mek­tep­tiń oqýshysy Aızada Bıjanova yntalandyrý syılyǵyn ıelendi. Baıqaý qorytyndysynda jeńim­paz ben júldegerlerge dıplom­dar­dy qazylar alqasynyń músheleri – belgili qalamger, pýblısıst Sharhan Qazyǵul, «Nur Astana» gaze­tiniń bas redaktory Ǵabıt Músirep, «Egemen Qazaqstan» gazetiniń tilshi-sýretshisi Aıdarbek Ǵazız ben Astana qalasy jastardy qoldaý memlekettik qorynyń dırektory Amanbek Tólepbergen tabys etti. Dastan KENJALIN.