Ǵalymdar úıiniń májilis zalynda pedagogıkalyq ujymmen kezdesýi aıasynda ýnıversıtet rektory Takır Balyqbaev kásibı mamandar daıarlaýdaǵy Ulttyq ýnıversıtettiń róli joǵary ekendigin atap ótti.
Ǵylym men bilim keńistiginiń aıasy keńeıgen saıyn zamanaýı talaptarǵa saı mamandar daıarlaýǵa degen suranys ta artyp keledi. Osy baǵytta kásibı pedagogtardy oqytý máselesine erekshe jaýapkershilik júktelýde. Sapaly bilim, bilikti maman údesinen shyǵýda Abaı atyndaǵy QazUPÝ pedagog mamandardy daıarlaý isinde tıimdi baǵdarlamalardy júzege asyrýda.
«Rýhanı jańǵyrý», «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» baǵdarlamalaryn júzege asyrý maqsatynda ýnıversıtette keshendi oqytý júıesi óndirispen ushtasa júrgizilip, osy baǵytta bilim berý, qarjy mekemeleri, quqyq qorǵaý qurylymdary, kásiporyndarmen tyǵyz baılanystar ornaǵan. Búginde ýnıversıtet tarapynan elimizdiń 137 jalpy bilim berý mekemelerimen kelisim-sharttar jasalǵan. Stýdentterdiń óndiristik tájirıbeden ótýine baılanysty myńǵa jýyq kelisimder jasalyp, oqýyn aıaqtaǵan túlekterdiń jumysqa ornalasýyna tolyqqandy jaǵdaılar jasalyp otyr. Ýnıversıtet basshysynyń aıtýynsha, sonymen qatar «Inklıýzıvtik bilim berý», «Jalpy bilim berý júıesinde múmkindigi shekteýli balalardy oqytý tehnologııasy», t.b. baǵyttar «Bilim» tobyndaǵy mamandyqtarǵa negizdelgen.
О́tken jyldan bergi aralyqta ýnıversıtettiń Ǵylymı-ınnovasııalyq parki quramynda «Zııatkerlik urpaq», «Qoldanbaly zertteýler men fýnksıonaldy tehnoogııalar», «Hakim Abaı», «Pedagogıkalyq bilim berýdi damytý» ,t.b. ǵylymı ortalyqtarynyń jumysy jolǵa qoıylǵan.
Búginde álemniń ozyq bilim ordalarymen terezesin teń ustap kele jatqan ýnıversıtette bilim berý jeti ınstıtýt arqyly júrgiziledi. Sheteldik azamattarǵa arnalǵan jáne joǵarǵy oqý ornyna deıingi daıyndyq fakýlteti de jańa tehnologııalyq úderisterge negizdelgen. Maman daıyndaý baǵyttary boıynsha 36 kafedra, sonymen qatar, 4 jalpy ýnıversıttettik kafedra (áskerı, dene shynyqtyrý jáne sport, pedagogıka, saıasattaný jáne áleýmettik fılosofııalyq pánder kafedrasy) jumys isteıdi. Quramy 8 ǵylymı ortalyqpen tolyqqan Ǵylymı ınnovasııalyq parkiniń jumysy da ótken jyldan bastap qaıta jandana bastady.
Kórsetkishter sońǵy jyldarda pedagogıkaǵa mamandanǵysy keletin jastar qatarynyń artyp kele jatqandyǵyn kórsetedi. Derekterge súıenetin bolsaq, 2015-2016 oqý jylynda - 2 051, 2016-2017 jyldarda - 2 314, 2017-2018 oqý jylynda 2 589 talapker ýnıversıtet stýdenti atanǵan. Al, 2018 jyly oqý bitirgen 1 934 mamannyń 198-i úzdik dıplomyna ıe bolǵan. Sońǵy úsh jylda 4 225 maman daıyndalsa, onyń ishinde bakalavr boıynsha - 3 953, 1 771 magıstr jáne 101 PhD doktorlary bar. Al kóptildi toptarda ótken oqý jylynda 72 maman daıarlanǵan.
Ýnıversıtette ınnovasııalyq jetistikterdi, zamanaýı kommýnıkasııalyq júıelerdi meńgere otyryp, pedagog mamandardyń biliktiligin shyńdaýlaryna da múmkindikter molynan.
Elvıra SERIKQYZY,
«Egemen Qazaqstan»
ALMATY