Búgin taldyqorǵandyqtar qala kúnin toılap jatyr. Qala turǵyndary men qonaqtaryna eni 2 metr, uzyndyǵy 3 metr bolatyn úlken tort pen dıametri 3 metrlik pıssa ázirlendi, dep habarlaıdy www.inform.kz.
Merekege oraı arnaıy kórme uıymdastyrylyp, aspazdar bar ónerin salyp, tátti tort jáne alyp pıssa pisirip berdi. Tortqa 980 jumyrtqa, 75 keli un, 50 kg qant ketti. Tátti taǵamdy 6 aspaz 7 kún boıy ázirlegen.
Taldyqorǵandyqtarǵa halyq ártisi Roza Rymbaeva, Dosmuqasan toby jáne basqa da óner juldyzdary ánnen shashý shashyp, ystyq lebizderin bildirdi Almaty oblysynyń ortalyǵy Taldyqorǵan qalasy turǵyndarynyń sany 173 myńnan asyp, sońǵy 10 jylda eki esege kóbeıdi. Kúnnen-kúnge gúldenip, kórkeıip, damyp kele jatqan shahar jurtshylyǵyn óńir basshysy Amandyq Batalov quttyqtady.
Oblys ákiminiń aıtýynsha qalanyń áleýmettik ekonomıkalyq kórsetkishteri jyldan-jylǵa eselenip keledi. Bıylǵy jyldyń 8 aıynda ónerkásip óniminiń kólemi 44,6 mlrd teńgege jetti. Turǵyn úı qurylys jumystary qarqyndy júrgizilýde. Qalada 47,3 myń sharshy metr turǵyn úı qoldanysqa berildi.Bul 2017 jyldyń deńgeıinen 2,7 esege kóp.
"Qala ekonomıkasyna 33,2 mlrd teńgeden astam ınvestısııa tartyldy. Qalamyzda búgingi zamanǵa saı, sáýletti, biregeı ǵımarattar - Kórme ortalyǵy, Saltanat saraıy el ıgiligi úshin qyzmet etýde. «Jastar» saıabaǵy, Qaratal ózeniniń jaǵalaýy - oblys ortalyǵynyń ajaryn aıshyqtap, turǵyndardyń súıikti demalys ornyna aınaldy. Aldaǵy ýaqytta da týǵan qalamyzdyń qulpyryp, kórkeıe beretinine senimim zor", dep atap ótti A.Batalov.