«Nur Otan» partııasy Mańǵystaý oblystyq fılıalynda Ardagerler keńesiniń jyldyq qorytyndy esebi tyńdaldy.
Jınalysqa «Nur Otan» partııasy Mańǵystaý oblystyq fılıalynyń tóraǵa orynbasary N.Týmyshev, aýdan-qalalardyń tóraǵa orynbasarlary, ardagerler keńesiniń músheleri qatysty.
Qabyldanǵan erejege sáıkes keńestiń quramyna 11 ardager saılandy. Keńes tóraǵasy bolyp Erejepov Qaırolla taǵaıyndaldy.
Ardagerler keńesin qurýdaǵy basty maqsat – qoǵam ómirin rýhanı jaǵynan jańǵyrtý isine ardagerlerdiń belsendi túrde aralasýyn qadaǵalaý. Ásirese, jetekshi partııanyń alǵy shebindegi azamattardyń ómirlik tájirıbesin, aqyl-keńesin barynsha tıimdi paıdalaný qajettigine nazar aýdartyp, osy baǵyttaǵy atqarylatyn jumystardy pysyqtap alý.
Ardagerler keńesiniń tóraǵasy Q.Erejepovtiń aıtýynsha, belsendi qarttardy qoǵamdyq jumystarǵa tartý mańyzdy.
- Oblys boıynsha jalpy alǵanda ardagerler sany jastary boıynsha eseptegende 2 myńnan asady. Tizimge enbegender qanshama, olardyń barlyǵyn tizimge qosý josparda bar. Ardagerler arasynan aýdan-qalalarǵa tálimgerler bekitý týraly sheshim qabyldanyp, partııa fılıaldarynyń tóraǵa orynbasarlarymen arnaıy jıyndar ótkizilip turady. Máselen, «Nur Otan» partııasynyń Tóraǵasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda aıtylǵan tujyrymdardy, «100 naqty qadam» - Ult josparyn halyqqa túsindirý jáne júzege asyrý sharalaryna ardagerler keńesi belsene aralasyp keledi, dep túsindirdi Q.Erejepov.
Esep berý sońynda ardagerler ózderiniń usynystaryn bildirdi. Birinshiden, dýaldy bilim berý jóninde otyrys ótkizý, Astrahan – Atyraý – Aqtaý keme tasymalyn qalpyna keltirý, qala ishindegi aıaldama ataýlaryn jónge keltirý, Mańǵystaý óńirine eńbegi sińgen qaıratkerlerge kóshe attaryn berý jáne eskertkishter ornatý, Aqtaý-Fort-Shevchenko avtojolynyń 14-28 sharshy shyqyrym bóliginiń 4 shaqyrymyna jaryq berý máselesi kóterildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy