L.N. Gýmılev atyndaǵy Eýrazııa ulttyq ýnıversıtetinde QR eńbek sińirgen qaıratkeri, fılologııa ǵylymdarynyń doktory, professor Serik Negımovtyń 70 jyldyǵyna arnalǵan «Kórkemdik dúnıetanym jáne sóz mádenıeti» atty respýblıkalyq ǵylymı-praktıkalyq konferensııa ótti.
Is-sharaǵa Parlament Senaty men Májilis depýtattary, Bilim jáne ǵylym mınıstrligi, Mádenıet jáne sport mınıstrligi, Respýblıkalyq Ardagerler keńesi, Qazaqstan Jazýshylar odaǵy, Respýblıkalyq Kásipodaq federasııasy, sonymen qatar Astana qalasy men Aqmola, Qaraǵandy, Mańgystaý, Atyraý, Qyzylorda oblystyq ákimdiginiń ókilderi qatysty. Kórnekti ǵalymyn syılaǵan jıynnan elimizdegi ádebıetsúıer qaýym men til janashyrlary da shet qalǵan joq.
Konferensııanyń plenarlyq bóliminde L.N. Gýmılev atyndaǵy EUÝ áleýmettik-mádenı damý jónindegi prorektory, akademık Dıhan Qamzabekuly kirispe sóz sóılep, rektor Erlan Báttashuly Sydyqovtyń atynan 70 jasqa tolyp otyrǵan mereıtoı ıesin quttyqtady. Sonymen qatar Memlekettik hatshy Gúlshara Ábdiqalyqova, Prezıdent Ákimshiliginiń Ishki saıasat bóliminiń basshysy Aıda Balaeva, Parlament Senatynyń tóraǵasy Qasymjomart Toqaev, Senat tóraǵasynyń orynbasary Bektas Beknazarovtyń atynan kelgen quttyqtaýlardy oqyp berdi. Jıynda EUÝ qazaq ádebıeti kafedrasynyń meńgerýshisi, akademık Seıit Qasqabasov arnaıy sóz alyp, kórnekti ǵalymnyń eńbekteri men adamı qasıetterine toqtalsa, Astana qalasy ákiminiń orynbasary Ermek Amanshaev qala ákimi Baqyt Sultanovtyń jyly lebizin jetkizdi.
EUÝ qazaq ádebıeti kafedrasynyń professory, fılologııa ǵylymynyń kandıdaty, Qazaqstannyń eńbek sińirgen qaıratkeri Amanjol Áltaı «Zaman jáne rýhanııat: jyraýlar, bıler, sal-seriler», Qazaq ulttyq óner ýnıversıtetiniń professory, kúıshi-kompozıtor J.Júzbaı «Professor S.Negımovtyń ıntonasııa jáne melodıka týraly paıymdaýlary», «Bolashaq» akademııasynyń professory M.Hamzın «Professor S.Negımov zertteýlerindegi Arqa aqyndary shyǵarmashylyǵy», Ál-Farabı atyndaǵy QazUÝ professory T.Esembekov «S.Negımov eńbekterindegi etnografııalyq saryndar: tulǵa, qoǵam, adam», EUÝ qazaq ádebıeti kafedrasynyń pofessory, fılologııa ǵylymynyń kandıdaty Q.Alpysbaev «Professor S.Negımov jáne ultyq poetıka: metafora qubylysy», EUÝ qazaq ádebıeti kafedrasynyń professory, fılologııa ǵylymynyń doktory R.Turysbek «Ult muratynyń kórkemdik qaınary», Q.Qýanyshbaev atyndaǵy qazaq teatrynyń ádebı keńesshisi, jazýshy, Memlekettik «Daryn» jastar syılyǵynyń laýreaty A.Kemelbaeva «Nazym sózdiń kenishi», EUÝ qazaq ádebıeti kafedrasynyń professory, fılologııa ǵylymynyń doktory S.Jumaǵul «О́leń sózdiń teorııasy», EUÝ dosenti, fılologııa ǵylymynyń kandıdaty M.Bóribaeva «Mádenıet jáne dáýir» degen taqyrypta baıandama jasady.
Konferensııaǵa qatysýshylar jıyn barysynda mereıtoı ıesiniń shyǵarmalary negizinde uıymdastyrylǵan «Kúltegin» atrıýmyndaǵy «Ǵalym.Ustaz.Qaıratker» kórmesin tamashalap, Serik Negımovtyń «Folıant» baspasynan jaryq kórgen bes tomdyq shyǵarmalar jınaǵynyń tusaýkeser rásiminiń kýási boldy.
Respýblıkalyq ǵylymı-praktıkalyq konferensııa «Qazirgi ádebıettaný: sóz óneri jáne tulǵataný»; «Fılologııa ǵylymy: poetıka, stılıstıka jáne sımvolıka» atty eki seksııaǵa bólinip, óz jumysyn jalǵastyrdy. Onda kompozıtor, óner zertteýshisi, jazýshy, Qazaqstan jáne Qyrǵyzstannyń eńbek sińirgen mádenıet qyzmetkeri, Qazaqstannyń eńbek sińirgen qaıratkeri Ilııa Jaqanov, aqyn-ǵalymdar Serikzat Dúısenǵazy, Janat Aıtmuhambet, Dáýletkereı Kápuly, taǵy basqa da belgili ǵalymdar professor S.Negımovtyń shyǵarmashylyǵy týraly tereńnen oı qozǵap, arnaý óleńderin oqydy.