Syrtqy ister mınıstri Qaırat Ábdirahmanov jáne Aqparat jáne baılanys mınıstri Dáýren Abaev «Astana Hub» halyqaralyq IT-startaptar tehnoparki alańynda «Sıfrlyq Qazaqstan» memlekettik baǵdarlamasyn iske asyrýǵa sheteldik áriptesterdi tartý máselesi boıynsha vedomstvoaralyq yntymaqtastyqty talqylady.
Tehnologııalar transfertine, «Astana Hub» halyqaralyq IT-startaptar tehnoparkiniń negizinde birlesken jobalardy júzege asyrýǵa sheteldik áriptesterdi tartý máselesine erekshe nazar aýdaryldy.
Sheteldik venchýrlyq qorlardy, iri halyqaralyq IT-komandalar men kompanııalaryn tartýǵa, sondaı-aq roýd-shoýlarǵa, bıznes-forýmdarǵa jáne «Astana Hub» jumysyn dáripteý úshin basqa da is-sharalarǵa qatysýǵa járdemdesý qajettigi ataldy. Sonymen qatar, halyqaralyq tehnoparktiń sheteldik áriptesteriniń vızalyq qoldaý jáne olardyń Qazaqstanda bolýyn retteý máselelerine erekshe nazar aýdaryldy.