Oblystyń 9 aıdaǵy ekonomıkalyq-áleýmettik damýyn qorytyndylaǵanda oblys ákimi Arhımed Muhambetov óńirde barlyq sala boıynsha ósýdiń bolǵanyn málim etti.
Ásirese, onyń ishinde ónimdi óńdeý salasy qarqyn aldy. Oblysta osydan 2-3 jyl buryn óńdeý sektory shıkizat óndirýdi basyp oza bastaǵan bolatyn.
«Jyldy jaqsy kórsetkishtermen qorytyndylaıtyn bolamyz. Oblysta sońǵy jyldary ónim óńdeý ónerkásibine mańyz berdik. Bul Elbasy Joldaýlaryndaǵy tapsyrmaǵa sáıkes júrip otyrdy. О́ńdeý sektory budan birneshe jyl buryn 29 prosent bolatyn, qazir onyń oblys ekonomıkasyndaǵy úlesi 53,3 prosentke jetti.
Bıyl oblysta 7772 avtokólik shyǵaryldy, al 2 jyl buryn onyń sany 2000 bolatyn. Jyl aıaǵyna deıin taǵy da 11 000 avtomobıl sapqa qoıylatyn bolady. Kelesi 2019 jyly onyń sanyn 25 myńǵa jetkizetin bolamyz. Qurylys ındýstrııasy da damyp keledi», dedi Arhımed Begejanuly.
Názıra JÁRIMBET,
«Egemen Qazqstan»
Qostanaı