Aqtaý garnızonynyń jańa sport kesheni bazasynda «Batys» О́ńQ áskerı bólimderi men quramalarynyń áskerı qyzmetshileri arasynda armııalyq qoıan-qoltyq urystan chempıonat ótti.
Saıysqa Aqtaý, Aqtóbe jáne Atyraý garnızondarynyń 70-ke jýyq áskerı qyzmetshisi qatysty. Olar 9 salmaq dárejesi boıynsha saıysqa tústi.
Jalpy komandalyq esepte Aqtaý qalasy 25744 áskerı bóliminiń áskerı qyzmetshileri jeńimpaz atandy, ekinshi oryn Beıneý aýyly 99116 áskerı bóliminiń áskerı qyzmetshilerine jáne úshinshi oryn Aqtóbe qalasy 30238 áskerı bólimine buıyrdy.
Saıys barysynda jaýyngerler keremet urys sheberlikteri men joǵary daıyndyq deńgeılerin kórsetti. Saıysqa merzimdi qyzmettegi áskerı qyzmetshileri, qatardaǵy jaýynger Islam Rýchkın men qatardaǵy jaýynger Alekseı Leıhner qatysyp, birinshilik jeńimpazdary atandy.
Endi «Batys» О́ńQ áskerı qyzmetshileri osy jyldyń basty dodasy qarashanyń 20-y men 25-i aralyǵynda Astana qalasynda ótetin Joǵarǵy Bas qolbasshynyń kýbogyna daıyndalatyn bolady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy