17-21 qazan aralyǵynda О́skemende Mádenıet jáne sport mınıstrligi men Shyǵys Qazaqstan oblystyq ákimdiginiń birlesýimen Astana qalasynyń 20 jyldyǵyn merekeleý aıasynda Ámire Qashaýbaev atyndaǵy respýblıkalyq festıval ótedi.
Áıgili ánshiniń 130 jyldyǵyna oraı uıymdastyrylatyn mereıtoılyq sharalar sheńberinde 17 qazanda saǵat 16:00-de oblys ortalyǵyndaǵy «Iýbıleınyı» kınoteatrynda shyǵarmashylyq ıntellıgenııa men basty rólderdi somdaǵan akterlardyń qatysýymen «Ámire» kórkem fılmi kórsetiledi, osy kúni keshke, saǵat 19:00-de «Ertis konsert» zalynda festıvaldiń saltanatty ashylý rásimi bolady dep josparlanǵan. 18-20 qazanda Halyq ártisteri aǵaıyndy Abdýllınder atyndaǵy Shyǵys Qazaqstan óner ýchılıshesinde Ámire Qashaýbaev atyndaǵy respýblıkalyq festıvaldiń konkýrstyq kúnderi, 21 qazan kúni saǵat 19.00-de Shyǵys Qazaqstan oblystyq drama teatrynda Qazaqstannyń mádenıet qaıratkerleri men óner sheberleriniń qatysýymen Gala-konsert jáne qatysýshylardy marapattaý rásimi ótedi dep kútilýde.
Búgin О́skemendegi aımaqtyq kommýnıkasııalar qyzmetinde respýblıkalyq festıvaldiń qazylar alqasy men uıymdastyrýshylary baspasóz konferensııasyn ótkizip, mádenı shara týraly jan-jaqty aıtyp berdi. Mádenıet jáne sport mınıstrliginiń repertýarlyq saıasat basqarmasynyń basshysy Sábıt Barlybaev respýblıkalyq án saıysyna Astana, Almaty qalalary men Batys Qazaqstan, Pavlodar, Qaraǵandy, Soltústik Qazaqstan jáne Shyǵys Qazaqstan oblystarynan 40 jas ónerpaz kelgenin, olarǵa Qazaqstannyń Halyq Ártisi Qajybek Bekbosynov, ónertanýshy, ámiretanýshy Jarqyn Shákárim, Baqyt Úderbaeva, Tolǵanbaı Sembaev, Gúlmıra Sarına, Amangeldi Kúzeýbaev, Erbol Aıtbaev sekildi dástúrli ánshiler qazylyq etetinin jetkizdi. Baıqaýdyń bas júlde ıegerine 1 mıllıon, 1 orynǵa 700, 2 orynǵa 500, 3 orynǵa 300 myń teńge beriletinin, buǵan qosa Qalı Baıjanov, Ǵabbas Aıtbaev, Manarbek Erjanov atyndaǵy arnaıy júldeler bar ekendigin tilge tıek etti.
Dástúrli ánshi Ǵarıfolla Qurmanǵalıevke 28 jyl shákirt bolyp, qasynda júrip, tálimin kórgen Qajybek Bekbosynov: «Ámire týraly Keńestik kezeńde Júsekeńder men Ǵarekeńderdiń sybyrlap aıtqanynan estidik. Ashyq aıta almaıtyn. Ámireni Ámire qylǵan - Alannyń oǵan bergen erekshe daryny. «Ámire qaıtys bolǵannan keıin men eldiń aýzyna iliktim. Áıtpese Ámireniń qasynda túkke turmaıtynmyn» deıtin ustazym Ǵarekeń. Shyndyq pa? Shyndyq. Ol kisi shynyn aıtyp otyr. Ol kisi ashyǵyn aıtatyn adam bolatyn. Ultty saqtaıtyn tini, dili - óneri. Úlken toıǵa kelip otyrmyz. Urpaqqa sabaq bolatyn jıynǵa kelip otyrmyz. Qutty bolsyn!», - dedi.
О́nertanýshy Jarqyn Shákárim sózin Ámireniń de, Isa Baızaqovtyń nebary 46 jyl ómir súrgeninen, Kúlásh Baıseıitova da sol shamada ǵumyr keshkeninen, áıgili ánshiniń jarty ǵumyry qazaqtyń án aıtý mádenıetin jer sharyna taratýmen, jartysy qınalýmen ótkeninen bastady. «Zıratyna sheıin joǵalyp ketti. Alla qoldap, 1974 jyly Máskeýden Ámireniń daýysyn taýyp, Almatyǵa alyp keldim. Ǵarıfolla, Júsipbek, Qanabek, sol kezdegi barlyq ánshiler: «Oıbaı, Ámireniń daýysy tabyldy ma?» dep qatty tańǵaldy. Sol kezdegi Mádenıet mınıstri Erkinbek Jeksenbekov shaqyryp aldy. Daýystyń tabylǵany úlken rezonans boldy. 1980 jyly Ámire atyndaǵy tuńǵysh konkýrs ótti. Kórdińiz, ba, daýystyń tabylǵany Ámireniń qulpytasyn ornatýǵa, baıqaý ótkizýge jol ashty. Mine, búgin О́r Altaıda Ámire atyndaǵy festıval ótip jatyr. Sizderge kóp rahmet. Búgin О́skemende 200-300 adamǵa Ámirege as berildi. Mádenıet jáne sport mınıstri Arystanbek Muhamedıulyna, oblys ákimine, oblystyq Mádenıet basqarmasynyń basshysy Azamatqa alǵys aıtamyn», - dedi ámiretanýshy.
Dástúrli ánshi Baqyt Úderbaeva 1980 jyly alǵash ret uıymdastyrylǵan Ámire atyndaǵy baıqaýda tuńǵysh Gran-prı ıegeri atanǵandyǵyn aıtyp, saıys ónerge jol ashqanyn eske aldy. «Baıqaý áli kúnge deıin esimde. Bir aıtqanda 7 ánge deıin aıtatynbyz», - dedi ánshi.
Azamat QASYM,
«Egemen Qazaqstan»
О́SKEMEN