Qyzylorda oblysynyń «Aımaqty týrıstendirý» kartasyna «Jańaqorǵan» shıpajaıy men «Baıqońyr» ǵarysh aılaǵy jáne Qambash kólindegi demalys orny engen.
Bul nysandar «Batys Eýropa - Batys Qytaı» avtomagıstraliniń jolynda ornalasqandyqtan saıahatshylardyń kelýine ońtaıly bolyp tur. Bolashaqta Baıqońyr ǵarysh aılaǵynan ushatyn zymyrandy qalaǵa kirmeı-aq syrttan tamashalaýǵa múmkindik týmaq.
Osy maqsatqa ushý alańynan alpys shaqyrym jerde oıyn-saýyq otaýy salynady.
– Bul úlken joba jeke ınvestısııa arqyly júzege asady. Qazirgi tańda «Qazaqtýrızm», týrızm komıtetimen birlesip jumys jasap jatyrmyz. Bul aımaqta álemdik talapqa saı keletin qonaqjaı, meıramhana, akvapark, ǵarysh attraksıondary, bıllıard, boýlıng bolady,-deıdi oblystyq kásipkerlik jáne týrızm basqarmasy basshysynyń orynbasary Dinmuhammed Saǵatbekuly.
Baqtııar TAIJAN,
«Egemen Qazaqstan»
QYZYLORDA OBLYSY