Keń alqapty jáne kúshti antısıklon Qazaqstan aımaǵynyń basym bóligindegi sýyq aýa raıyn ustap turýyn jalǵastyrady, dep habarlaıdy Qazgıdromet.
«Qazgıdromet» RMK-nyń málimetinshe, Aqmola, Soltústik Qazaqstan, kúndiz Qostanaı, Pavlodar oblystarynyń keı jerlerinde burqasyn kútiledi, jel 15-20 m/s kúsheıedi. Soltústik Qazaqstan, Qostanaı oblystarynyń keı jerlerinde tuman, kóktaıǵaq kútiledi.
Jambyl, Mańǵystaý, Qaraǵandy oblystarynyń jekelegen aýmaqtarynda tuman kútiledi. Mańǵystaý oblysynda jeldiń ekpini 15-20 m/s artyp, kúndiz Qaraǵandy oblysynyń keı jerlerinde jaıaý burqasyn júredi. Shyǵys Qazaqstan oblysynyń keı aýmaqtarynda jaıaý burqasyn bolady. Kúndiz Qyzylorda oblysynda jeldiń jyldamdyǵy 15-20 m/s kúsheıedi.