Álemdik lotereıa ındýstrııasynda bılet satý prosesi kishigirim dúkender arqyly iske asady, ıaǵnı shaǵyn jáne orta bıznes ókilderi úshin óte yńǵaıly. Degenmen Qazaqstanda lotereıa ónimin satý uzaq ýaqyt boıy menshikti jeli arqyly nemese kásibı bólshek saýda oryndary arqyly júzege asyrylyp keldi.
«Sátti Juldyz» AQ lotereıa operatory 2018 jyldyń naýryz aıynda naryqtaǵy strategııany ózgertý maqsatynda saýda sektorynyń kásipkerlerin yntalandyra bastady.
«Men dúkende turǵan qarapaıym satýshynyń sol dúkenniń ıesi de ózi ekenin jáne de satý ornynda nan nemese sút ónimderin tipti qaryzǵa berip jatqanyn kórgenimde, bul kásipkerdiń seriktes bolýǵa ábden laıyq ekenin birden túsinemin. Dúken ıesine jumysqa qajetti jarnama materıaldary, qymbat qurylǵylar – barlyǵy tegin beriledi. Satýshylarǵa arnalǵan oqý jattyǵýlaryn da tolyǵymen óz moınymyzǵa aldyq, mine biz kásipkerlermen osyndaı qarym-qatynas quramyz», deıdi Aleksandr Ten.
«Sátti Juldyz» basshysy lotereıamen jumys isteýge qyzyǵýshylyq tanytqan kásipkerler áli de kompanııamen baılanysqa shyǵýǵa bolatynyn jetkizdi. Operator kelesi 2019 jyldyń kóleminde taǵy da 1 myńǵa jýyq satý núktelerin iske qospaq.
«Qazir bizde óte tabysty satý oryndary bar jáne olardyń basym bóligi – úı janyndaǵy kishigirim dúkender. Bul satý oryndarynyń tabysty bolýynyń basty qupııasy – kásipkerlerdiń lotereıa ónimin paıda tabý maqsatynda satýdaǵy qyzyǵýshylyǵy», deıdi Aleksandr Ten.
Mysaly, ústimizdegi jyldyń 21 qarashasy kúni uıaly telefonǵa arnalǵan qosymshalardy satý bóliminen lotereıa bıletin satyp alǵan qaraǵandylyq turǵyn 24 564 mln teńge kólemindegi sýperjúldeni utyp aldy.
Bul bıznestiń ıesi Natalıa Nıkolaeva bylaı deıdi:
«2018 jyldyń 16 mamyry kúni satý bastalǵan sátten bastap «Sátti Juldyz» AQ kompanııasymen seriktespin. Jeńimpaz 24 mln teńge utyp alǵan bıletin meniń dúkenimde satyp alǵanyn estigenimde tańǵaldym. Onyń ústine, osyǵan oraı «Sátti Juldyz» maǵan utystyń 1% kóleminde syıaqy beretinine de qýandym. Aıtpaqshy, osy jańalyqtan keıin tutynýshylar eki esege kóbeıdi. Jumys isteý yńǵaıly ári tabys kólemi de ulǵaıa tústi». Lotereıa bıznesiniń álemdik biryńǵaı praktıkasy boıynsha satý jelisin ulǵaıtý maqsatynda lotereıa operatory jergilikti ShOB ókilderine qolaıly jeńildikter arqyly qoldaý kórsetedi. Biraq jaqyn arada mundaı múmkindik jabylýy múmkin. Degenmen ázirshe operator seriktestik ótinimderin qabyldaıdy. Bastapqyda «Sátti Juldyzben» 2019 jyldyń ortasyna deıin seriktestik ornatyp úlgergen kásipkerler úshin sharttar tolyǵymen saqtalady, naqtyraq aıtqanda: 6% agent komıssııasy jáne utys somasynyń 1% kólemindegi syıaqy mólsherlemesi ózgermeıdi.