Oral qalasynda bıyl sý jańa 35 avtobýs qoǵamdyq jolaýshy tasymaly qyzmetine qosyldy. «Ýraltehservıs» JShS №20 marshrýt júıesindegi 15 kólikti «Vektor» markili avtobýstarmen aýystyrdy.
Tuńǵysh Prezıdent atyndaǵy alańnan bastaý alǵan zamanaýı avtobýstardyń alǵashqy baǵytyna oblys əkimi Altaı Kólginov pen Oral qalasynyń əkimi Murat Muqaev aq jol tiledi. Salonyna 70 adamǵa deıin syıatyn jańa avtobýstardyń ishi-syrtyn tolyq baqylaý úshin tórt beınekamera ornatylǵan. Bul qaýipsizdikke ári tártip saqtalýyna qolaıly.
Jalpy Oral qalasynda jolaýshy tasymalymen 6 mekeme aınalysady. Qala ishinde 455 avtobýs qyzmet kórsetedi. Eki jyl buryn qoǵamdyq kóliktiń 40%-y shaǵyn avtobýs bolatyn. Sol 130 «GAZel»-diń búginde 50-i ǵana qaldy. Avtobýs parki jyl saıyn jańartylyp, syıymdylyǵy joǵary ári jolaýshyǵa jaıly kóliktermen almastyrylýda. Jańa kólikter ekinshi deńgeıli bankterdiń nesıesi arqyly alynǵan.
– Oral qalasyndaǵy qoǵamdyq kólikterdi jańartý jumystary munymen toqtamaıdy. 2019 jyly «BRK-Lızıng» kompanııasy arqyly «Daewoo» markaly 135 jańa avtobýs alýdy josparlap otyrmyz. Jalpy 2020 jylǵa deıin avtobýs parki tolyq jańartylady, – deıdi qala ákimi Murat Muqaev.
О́ńir basshylyǵy jańa kólikterdiń «Smart sity» baǵdarlamasyna saı kelýin de eskergen. 28 qalalyq marshrýt boıynsha barlyq kólikte GPS qurylǵysy ornatylǵan. «InfoBus» qosymshasy arqyly marshrýttar qozǵalysyn 73 myń qoldanýshy onlaın baqylaı alady. «Sıfrly Qazaqstan» baǵdarlamasy aıasynda segiz baǵyttaǵy avtobýstar jolaqyny kólik kartalary arqyly qabyldaı alady. Sondaı-aq jeti baǵytta jolaqyny «SMSBUS» júıesimen tóleýge múmkindik bar. Jyl sońyna deıin barlyq marshrýt elektrondy bıletpen qamtamasyz etiledi», deıdi qala ákimi Murat Rahmetuly.
Qazbek QUTTYMURATULY,
«Egemen Qazaqstan»