«Jas Otan» JQ belsendileri Astanadaǵy «Nurly júrek» áleýmettik qyzmet kórsetý ortalyǵyna qonaqqa bardy.
Jasotandyqtar balalarǵa oıynshyqtar men táttiler syılap, ortalyqtyń kishkentaı turǵyndarynyń kóńil-kúıin kóterdi.
Mekemede BSP (DSP), epılepsııa, fızıkalyq, psıhıkalyq damý bógelisi dıagnozdarymen 3 jastan 29 jasqa deıingi 277 múgedek-bala qaralady. Al kúndizgi bólimde 156 bala bar. Balalar damý deńgeıine baılanysty qozǵalmaly em, áleýmettik beıimdeý, áleýmettik-turmystyq baǵyt-baǵdar berý, áleýmettik eńbekke úıretý sekildi sabaqtarǵa qatysady.
1992 jyldyń aıaǵynda BUU Bas Assambleıasy 3-shi jeltoqsandy múgedekter kúni dep jarııalady. Kez kelgen memlekettiń qundylyǵy men izgiligi balalar men qarttarǵa, múgedekterge degen qarym-qatynasymen aıqyndalady. Múmkindigi shekteýli jandardyń halyqaralyq kúni - osy bir týmysynan ómirdiń azabyn tartqan jandarǵa taǵy bir kóz qyrymyzdy salyp, janyna jeleý bolýǵa múmkindik jasaıdy.