Semeıdegi elektrotehnıkalyq kolledj týraly aýyz toltyryp, maqtan etip aıtýǵa ábden bolady. Kolledjdiń dırektory Azat Sarpekov kún-tún demeı jańa jobalardy zerttep, ótkennen qalǵan mańyzdy dúnıelerdi jetildire túsýmen aınalysyp kele jatqan talantty basshylardyń biri. Jaqynda osy oqý ornyna oblys ákimi Danıal Ahmetov kelgen kezde, Azat Sarpekov aımaq basshysyna Shyǵys Qazaqstan oblysynyń pedagog muǵalimderi men jastaryn IT-tehnologııasy men robototehnıkadan oqytyp ári úıretip, mamandar daıyndap shyǵara alý múmkindigine ıe ekendigin aıtqan edi. Oblys basshysy buny birden nazarǵa alyp, osy másele boıynsha tez arada aınalysyńyz dep orynbasary Ásem Núsúpovaǵa tikeleı tapsyrma berdi.
Sebebi bıyl ShQO mektepterinde IT-tehnologııa jáne robototehnıka boıynsha 277 kabınet ashyldy. Bul Qazaqstan boıynsha, rektordtyq kórsetkish. Basqa oblystarda mundaı alǵa jyljý joq. Desek te, bul salany meńgergen ınformatıka muǵalimderiniń ózi tapshy bolyp otyr eken. Al bar degen muǵalimderdiń ózin qaıta daıarlyqtan ótkizý kerek eken. Zaman talaby solaı. Jaqynda ShQO Bilim basqarmasy, Áleýmettik baǵdarlamalar jáne jumyspen qamtýdy úılestirý basqarmasy men Elektrotehnıkalyq kolledj úsh jaqty túrde kelisimshartqa otyrdy. Birinshiden óz mamandyǵyn ózgertkisi keletinder arasynda, ekinshiden jumyssyz júrgen jastar boıynsha, úshinshiden mektep túlekteriniń qalaýyna oraı IT-mamandardy osylardyń arasynan daıarlap shyqpaq.
2018-19 oqý jylynda «Nur Otan» partııasynyń jobasy arqyly 155 kýrsant osylaısha IT-tehnologııasy negizderin oqyp meńgermek. Desek te, joǵaryda aıtqan muǵalimderdi qaıta daıarlaý, oqytý máselesi jeke baǵdarlama bolýy qajet bop tur.
- Bul mektep oqýshylary úshin qyzyqty ári asa qajet bilim bolyp sanalatyndyqtan oblys ákimi Danıal Ahmetovtyń tapsyrmasymen «Meniń mektebim» jobasy aıasynda 277 robototehnıka synyptaryn jabdyqtaýǵa demeýshilerdi de shaqyryp otyrmyz,-dedi «Nur Otan» partııasynyń Semeı fılıaly tóraǵasynyń orynbasary Zýlfııa Jamaltdınova.
Naryq zamany, jumyssyzdyq deımiz. Desek te, IT-mamandar joq ekendigi belgili bolyp otyr. Sondyqtan da «Nur Otan» partııasynyń usynysymen Semeı jáne О́skemen qalalaryndaǵy eki kolledjde osy jumysty júrgizý máselesi qazirde nazarǵa alynyp jatyr.
Eki kolledjdiń biri Semeı qalasyndaǵy osy Elektrotehnıkalyq kolledjde halyqaralyq resýrstyq ortalyq jumys isteıdi. Bul sonaý 2013 jyldan beri iske qosylypty. Bul jerde tehnıkalyq mamandyqtarǵa baýlyp, jumyssyz júrgenderdiń eki qolyna bir kúrek taýyp berýge tyrysady. Mańyzy zor ortalyq. Elektrotehnıkalyq kolledjdiń dırektory Azat Sarpekovtyń pikirinshe, resýrstyq ortalyq jylyna 70 mln. teńge paıda taba alady.
Oblystan kelgen jumys tobyna resýrstyq ortalyqtyń múmkindigin tanystyryp, aralatqan Azat Sarpekovtyń aıtýynsha, arnaıy sheberhanalary zamanaýı qural-jabdyqtarmen jáne kabınettermen qamtylǵan. Kýrsanttar tek qana dánekerlerýdiń alty túrin ıgerýleri shart.
Sebebi jumysshylarǵa qoıylatyn zaman talaby óte qatal. Olar dánekerlep qana qoımaı, tokarlyq, slesarlyq stanoktarda jumys istep, tehnotronıka jáne robototehnıkamen de aınalysýlary kerek. Informatıkalyq baǵdarlamany tereń meńgerýleri de asa qajet. Sondyqtan da osyndaǵy resýrstyq ortalyqtyń aıasynan jastarǵa arnalǵan ınnovasııalyq shyǵarmashylyq ortalyǵy da ashylǵan.
- Bizdiń eń úlken jastaǵy stýdentimiz 67 jasta, al eń jasymyz 15-te,-dedi dırektor Azat Sarpekov,-eshkimge bóget bolmaımyz. Tehnıkalyq úderiske qyzyǵýshylyq tanytýshylarǵa esigimiz árdaıym ashyq. Qazir mektepter 5 kúndik oqý júıesine kóshti. Senbi kúni balalardyń qoldary bos. Sol kúni olar bizdiń kolledjge kelip, túrli úıirmelerge qatysa alady. Olar tehnotronıka, robototehnıkany meńgerip, web-caıttar ashady. Máselen, qalta telefonynyń qorabyn jasaýdy arnaıy stanoktaǵy baǵdarlama arqyly júzege asyrýǵa bolady. Osyndaı ónerdi meńgergen adam eshýaqytta jalaqysyz, jumyssyz otyrmasy anyq.
Árıne, Elektrotehnıkalyq kolledj Qazaqstan Prezıdentiniń reıtıngindegi úzdik on kolledjdiń qataryna kirip otyr. Kolledjdi aralap kelýshilerdiń de sany kún saıyn arta túsken. Solardyń biri QR Parlament Májilisiniń depýtaty Vasılıı Oleınıkov boldy.
-Biz 17 mamandyqqa kásip ıelerin daıyndaımyz,-dedi kolledj dırektory Azat Sarpekov,-eń basty negizimiz IT-tehnologııa. Nátıjelerimz de joq emes. 2017 jyly World Skills chempıonatynda Qazaqstandaǵy 823 kolledj ishinen 1-inshi oryndy jeńip aldyq. Sóıtip Ábý-Dabıǵa Álem Chempıonatyna qatystyq. Qazir pedagogıkalyq ujymymyz bilimderin jetildirý úshin Túrkııada túgeldeı oqyp jatyr. Kolledjimizge 100 mln teńgeniń qural-jabdyǵy satylyp alyndy. Bul «ChPÝ» stanoktar, gazben dánekerleıtin elektr jabdyqtar, plazmalyq jáne taǵy basqa zamanaýı dánekerleý túrleri.
«ChPÝ» stanoktyń kómegimen stýdentter túrli aǵash buıymdaryn óńdep jasap, shahmat, esik taqtaılary, tereze jaqtaýlaryn jasap shyǵarýda eken. Tipti jataqhanaǵa qajetti esik-terezeni de ózderi jasap shyǵarǵan. Osynyń barlyǵyn esepke ala kele Azat Sarpekov sharýashylyq basqarý quqyǵyn resimdegisi keletindigin aıtady.
-Bizge kelgen saparynda Májilis depýtaty Vasılıı Oleınıkovke de ótinish jasadym,-dedi Azat Sarpekov,-men qazir sharýashylyǵymdy basqaryp, jumysymdy júrgizýge qujat tapsyryp qoıdym. Biraq, men ne kolledj, ne sharýashylyq bolýym kerek eken. Biz tek 8-synyptan keıin balalardy oqytyp jibere salatyn Keńes úkimeti tusyndaǵy SPTÝ deńgeıinen ótip kettik qoı. Keıbir jeke kásiporyndarǵa qaraǵanda, bazardaǵy dúnıelermen salystyrǵanda bizdiń shyǵarǵan esik-tereze, basqa da jabdyqtar áldeqaıda sapaly. Biraq memlekettik menshik pen bilim týraly zań qaıshylyqtaryna oraı, keremet jasaǵan dúnıe, taýarlarymyzdy naryqqa ótkize almaı otyrmyz. Men shetelde bilim aldym. AQSh-ta máselen, mektepterdiń tómengi bóliginde shyny salondar oryn tepken. Onda olardyń ónimderi satylady. Men Vıskonsın mektebinde boldym. Keregimdi satyp aldym. Olarda bul zańdy. Eshkim qýdalamaıdy. Al bizde jasaǵannyń ústine jatyrmyz, jasap jatyrmyz, ótkizetin jer joq.
Aıta ketý kerek, Azat Sarpekov Qazaqstandaǵy eń jas dırektor. Nebári 23 jasynda osy Elektrotehnıkalyq kolledjdi basqarýdy bastap otyr. Osy kolledjdiń túlegi, osydan tórt jyl buryn Elektrotehnıkalyq kolledjdi bitirip shyqqan. Azat Sarpekov «100 jańa esim» jobasyna kirgen. Dırektordyń ótinishe qulas asyp, olardyń ónimin ótkizýge jine osyndaı baǵyt alǵan kolledj, oqý oryndarynyń jańashyl bastamalaryna qoldaý kórsetý qajettigi aıtpasa da túsinikti.
Raýshan QABJANQYZY,
Semeı