Almatyda «Sport meniń aýlamda» áleýmettik jobasy aıasynda «Chempıondar lıgasynyń» fınaldyq saıysy ótti. Qalanyń segiz aýdanynyń úzdik oıynshylarynyń qatysýmen ótken aqtyq synda 7-17 jas aralyǵyndaǵy 800-den asa balalar men jasóspirimder baq synady. Aıtýly doda Qazaqstan Respýblıkasynyń Tuńǵysh Prezıdenti kúni jáne Táýelsizdik kúnine arnaldy.
Bul shara biz úshin óte mańyzdy. Sebebi, biz balalar men ata-analardyń basyn qosyp, olarǵa qýanysh syılaımyz. Onyń ústine, bul shara mereke kúnderi qarsanyńda ótkizilip otyr. Qala turǵyndary men jarysqa qatysýshylardy biz aldaǵy ýaqytta da qýanta bermekpiz. Atalmysh baǵdarlama 2020 jylǵa deıin jalǵasady», – deıdi jobanyń atqarýshy dırektory Alla Jumaqanova.
Básekeler birneshe sport túrinen Ál-Farabı atyndaǵy Qazaq Ulttyq ýnıversıtetiniń sport kesheninde ótkizildi. Balalardyń qýanyshymen bólisip, jarysqa belsendi atsalysqan ata-analar óz kúshterin «Biz myqtymyz» atty estafetada synady.
Biz óz balalarymyzǵa qoldaý kórsetý maqsatyndsha Jetisý aýdanynan arnaıy keldik. Osyndaı shararlar jıi uıymdastyrylyp tursa, tipten tamasha bolar edi. Sport – densaýlyqty nyǵaıtady, sondyqtan, osyndaı ıgi bastamany qolǵa alǵan qala ákimdigine zor alǵysymyzdy bildiremiz. Bul joba halyq óte qajet, – deıdi jarysqa qatysýshy balalardyn ata-analaryNurgulan Abdramanov, Núrken Quldybaev jáne Jibek Turlybekova.
Fınaldyq saıystar darts, ústel tennısi, fýtbol, 60 metrge júgirý, estafeta, uzyndyqqa sekirý, vorkaýt, voleıbol, strıtbol, skıppıng jáne badmınton syndy sport túrleri boıynsha ótti. Jarys qorytyndysy boıynsha «Chempıondar lıgasynyń» jeńimpazdary men júldegerleri medal, kýbok, maqtaý qaǵazy jáne estelik syılyqtarmen marapattaldy.
Ǵalym SÚLEIMEN,
«Egemen Qazaqstan»
ALMATY